Մամուլի տեսություն 20-09-2021

Իրանի վոլեյբոլի ազգային հավաքականը, որի մարզիչն իրանցի է Ասիայի առաջնությունում նվաճեց չեմպիոնի կոչումը:

Քեյհան օրաթերթ

ԱՄՆ-ի բանակը տեղյակ էր, որ 10 աֆղան խաղաղ բնակիչ է զոհվել

CNN- ը հեռուստաալիքը սարսափելի բացահայտում է արել, հաղորդելով, որ Քաբուլի օդանավակայանի արվարձանում մեքենայի վրա կատարված հրթիռային հարձակումից առաջ, որի ընթացքում զոհվեցին 10 աֆղան խաղաղ քաղաքացիներ,  բանակին տեղեկացվել է, որ մեքենայում երեխաներ կան և որ մեքենան քաղաքացիական էր:  Քաբուլում ԻԼԻՊ -ի «Խորասանի մասնաճյուղ»-ի ահաբեկիչների դեմ իրականացրած անօդաչու թռչող սարքի հարվածից 20 օր անց ամերիկացիները խոստովանել են, որ հարձակման ժամանակ սխալմամբ զոհվել է 10 խաղաղ բնակիչ, այդ թվում ՝ 7 երեխա: Հանցագործությունը խոստովանելուց հետո ԱՄՆ պաշտպանության նախարարը և ՍԵՆԹՔՈՄ- ի ղեկավարը միայն պարզ ներողություն խնդրեցին, և ըստ տեղեկությունների,  հրաժարականի, աշխատանքից ազատման կամ դատավարության մասին լուրեր չեղան: ԱՄՆ պաշտոնյաները նույնիսկ չեն խոստացել դադարեցնել այդ հանցագործությունները: ըստ Ռաշաթուդի հաղորդման,  սա առաջին դեպքը չէ, երբ ԱՄՆ-ը սպանում է խաղաղ բնակիչներին:

Շահրվանդ օրաթերթ

Իրանի վոլեյբոլի ազգային հավաքականը նվաճել է Ասիայի առաջնության չեմպիոնի կոչումը

Կիրակի օրը ավարտվեց վոլեյբոլի տղամարդկանց Ասիայի առաջնության 21 -րդ առաջնությունըը; Ավարտ, որը բերեց Իրանին վոլեյբոլի չեմպիոնական գավաթը: Իրանի վոլեյբոլի ազգային հավաքականը առաջին սեթում 27-25, երկրորդ սեթում ՝ 25-22, իսկ երրորդ սեթում ՝ 31-29  հաշվով հաղթեց մրցաշարի հյուրընկալ  Ճապոնիայի հավաքականին և դարձավ Ասիայի չեմպիոն:

Էբթեքար օրաթերթ

ԻՀՊԿ-ը Իրանի հյուսիս -արևմուտքում չեզոքացրել է ահաբեկչական խումբ

Իրանի ԶՈՒ ԳՇ պետ, գեներալ Մոհամմադ Բաղերիին հայտարարել է, որ  հյուսիսային Իրաքում  գործում են զինված հակահեղափոխական խմբեր

Տարիներ շարունակ կրած պարտություններից հետո, ԱՄՆ -ի, Սիոնիստական ​​ռեժիմի և արաբական որոշ հետադիմական երկրների սադրանքով՝ այս խմբերը վերջին մեկ տարվա ընթացքում փորձել են ընդլայնել ահաբեկչական գործողությունները: Թեև նրանք մինչ այժմ չեն կարողացել ինչ -որ հաջողակ բան անել, բայց Իսլամական Հանրապետության որոշ սահմանամերձ շրջաններում նրանք ստեղծեցին անապահովություն և մտահոգություններ: Հետեւաբար, մենք չենք հանդուրժում նման չարությունները: Անվտանգության և խաղաղության ստվերում ապրելը Իրանի ժողովրդի և մեր երկրի սահմանամերձ  շրջանների բնակչության իրավունքն է:

Իրան օրաթերթ

ՄԱԿ -ում Իրանի դիվանագիտական ​​շարժունակությունը

Իրանի ԱԳՆ խոսնակ Սաիդ Խաթիբզադեն անդրադառնալով  ԱԳ նախարար Հոսեյն Ամիր-Աբդոլլահյանի Նյու Յորք կատարաելիք այցի և Նյու Յորքում «4 + 1» խմբի արտգործնախարարների հանդիպմանն ասել է.«Իրանի արտգործնախարարը վաղը կմեկնի Նյու Յորք` մասնակցելու ՄԱԿ-ի Գլխավոր ասամբլեային: Ուղևորության ընթացքում նախատեսված է շուրջ 45 երկկողմ հանդիպում տարբեր մայրցամաքների և տարածաշրջանի երկրների արտգործնախարարների հետ»:

Իրանի ԱԳՆ խոսնակ Սաիդ Խաթիբզադեն հավելել է.«Եթե ​​տեսնենք, որ այս հանդիպումը կարող է օգտակար լինել բանակցային գործընթացոի համար, որոշում կկայացնենք: Մենք հիմա որոշում չենք կայացրել և պետք է տեսնենք, թե որն է հանդիպման թեման, այնուհետև դրա հիման վրա որոշում կայացնենք»:

armenpress.am

Այս պահի դրությամբ ՀՀ-ի և Թուրքիայի միջեւ որեւէ շփում տեղի չի ունեցել. Մանե Գևորգյան

Հայաստանի Հանրապետության վարչապետի մամուլի խոսնակ Մանե Գևորգյանն անդրադարձել է Թուրքիայի նախագահ Ռեջեփ Թայիփ Էրդողանի այն հայտարարությանը, թե վարչապետ Նիկոլ Փաշինյանը Վրաստանի վարչապետ Իրակլի Ղարիբաշվիլի միջոցով իրեն հանդիպման առաջարկ է արել: Մանե Գևորգյանը նշում է, որ Թուրքիայի հետ խոսակցության մեկնարկի՝ իր պատկերացումների մասին վարչապետը խոսել է ԱԺ-կառավարություն վերջին հարցուպատասխանի ընթացքում՝ ասելով, որ կարծում է՝ բարձր մակարդակի շփումներին պետք նախորդեն աշխատանքային քննարկումներ, եւ միջազգային գործընկերներին նույնպես այս պատկերացումն է ներկայացնում:

araratnews.am

Մենք փորձում ենք հեշտացնել Բաքու-Երևան պայմանավորվածությունները. Իրանի ԱԳՆ ներկայացուցիչ

Իրանի արտաքին գործերի նախարարության մամուլի քարտուղար Սաիդ Խաթիբզադեն ճեպազրուցում, պատասխանելով Հայաստան իրանական մեքենաների մուտքի հետ կապված խոչընդոտների մասին հարցին, Pars Today-ի փոխանցմամբ՝ ասել է.

«Հարևան երկրների տարածքային ամբողջականությունը մեզ համար ավելի կարևոր է, քան որևէ այլ բան, և մենք կարծում ենք, որ տարածաշրջանային համագործակցությունը խաղաղության և կայունության հիմքն է: Այն, ինչ հիմա կատարվում է, պետք է վերածվի կոլեկտիվ համագործակցության, և մենք փորձում ենք հեշտացնել Բաքու-Երևան պայմանավորվածությունները, և միակ ճանապարհը կոնսենսուսի ճանապարհն է:

Իրանը հարևան երկրների զարգացումը համարում է իր սեփական զարգացումը: Բոլոր հարևանները պետք է իմանան, որ զարգացման և խաղաղության ու կայունության ուղին կոլեկտիվ ճանապարհ է», - ասել է Իրանի արտաքին գործերի նախարարության մամուլի քարտուղարը:

armenpress.am

Հայաստանում կարտադրվի «Սպուտնիկ Լայթ» պատվաստանյութ

Հայաստանում կորոնավիրուսի դեմ «Սպուտնիկ Լայթ» պատվաստանյութ կարտադրվի: «Արմենպրես»-ի հաղորդմամբ՝ Երևանում անցկացվող «Հայ-ռուսական տնտեսական համագործակցություն. Հեռանկարային նախագծեր» խորագրով ֆորումի շրջանակում այս մասին հայտնեց ՀՀ փոխվարչապետ Մհեր Գրիգորյանը:

Գրիգորյանը նախ առողջապահության ոլորտում ՌԴ-ի հետ համագործակցության համատեքստում իր երախտագիտությունը հայտնեց Հայաստանում COVID-19- ի տարածմանը հակազդելու գործում Ռուսաստանի աջակցության համար:

«Ռուսական ուղղակի ներդրումների հիմնադրամի միջոցով ձեռք է բերվել «Sputnik V» պատվաստանյութի մի քանի խմբաքանակ, նաև կազմակերպվել է  տեխնոլոգիական փոխանցման գործընթաց Հայաստանում «Սպուտնիկ Լայթ» պատվաստանյութի արտադրության համար»,-ասաց Գրիգորյանը:

lragir.am

Ֆրանսիայի պաշտպանության նախարարը հրաժարվել է բրիտանացի գործընկերոջ հետ հանդիպումից

Ֆրանսիայի և Մեծ Բրիտանիայի պաշտպանության նախարարներ Ֆլորենս Պառլիի և Բեն Ուոլեսի հանդիպումը, որը պետք է կայանար այս շաբաթ, Փարիզի կողմից չեղյալ է հայտարարվել, այն բանից հետո, երբ AUKUS-ի շրջանակներում  Ավստրալիան հրաժարվել է ֆրանսիական սուզանավերից՝ հօգուտ անգլո-ամերիկյան մատակարարման, հաղորդում է The Guardian- ը:

Հրատարակության տվյալներով՝ Ուոլեսը և Փարլին պետք է երկկողմ հանդիպում անցկացնեին Լոնդոնում և ելույթ ունենային Ֆրանս-Բրիտանական խորհրդի վերլուծական կենտրոնի երկօրյա միջոցառման ժամանակ:

Խորհրդի համանախագահ Պիտեր Ռիկեթսը հաստատել է, որ հանդիպումը հետաձգվել է:

News.am

Հայաստանի և Ռուսաստանի միջև ապրանքաշրջանառությունն աճել է 16 տոկոսով՝ կազմելով 1.9 մլրդ դոլար

Հայաստանի և Ռուսաստանի միջև ապրանքաշրջանառությունը 2021-ի առաջին կիսամյակում աճել է 16 տոկոսով՝ կազմելով 1.9 մլրդ դոլար: «Արմենպրես»–ի հաղորդմամբ՝ այս մասին հայտնեց ՀՀ փոխվարչապետ Մհեր Գրիգորյանը՝ Երևանում Armenia Business Forum-ի շրջանակում «Հայ-ռուսական տնտեսական համագործակցություն. Հեռանկարային նախագծեր» խորագրով քննարկման ժամանակ:

Գրիգորյանը նախ հիշեցրեց, որ 2019 թվականին առաջին անգամ ՀՀ-ի և ՌԴ-ի միջև առևտուրը գերազանցել է 2 մլրդ դոլարի մակարդակը:

«Չնայած գլոբալ համաճարակի թելադրանքով մեր քաղաքացիների տեղաշարժի և ապրանքների տեղաշարժի պարտադրված սահմանափակումներին՝ 2020-ին մեզ հաջողվեց երկկողմ առևտրի ընդամենը մի փոքր անկում գրանցել»,-ասաց փոխվարչապետը:

Իսկ ինչ վերաբերում է ընթացիկ տարվան՝ Գրիգորյանը նկատեց, որ աճն արդեն ակնհայտ է.