Մամուլի տեսություն 04.02.2022
Իրանը պահանջում է դատական պատասխանատվության ենթարկել երկու տարի առաջ ԱՄՆ նախագահ Դոնալդ Թրամփի հրամանով սպանված ԻՀՊԿ «Ղոդս» ուժերի հրամանատար գեներալ Սոլեյմանիի սպանության մեղավորներին:
Էթելաաթ օրաթերթ
Ղասեմ Սոլեյմանիի դերը՝ Դիմադրության առանցքի զարգացման և ամրապնդման գործում
ԻՀՊԿ «Ղոդս» ստորաբաժանման հրամանատար, գեներալ Ղասեմ Սոլեյմանին, օգտագործելով իր ռազմական և ռազմավարական մտածողությունը, բացահայտեց տարածաշրջանում Դիմադրության շարժման ինքնաբուխ խմբերին և կապ հաստատեց նրանց հետ: Հրամանատարություն դաշտի խորքում և… այս առանցքի համախմբման և զարգացման գործում։ Նրան հաջողվեց համախմբել տարածաշրջանի Դիմադրության խմբերին և զարգացնել այս շարժումը:
Գեներալ Սոլեյմանին և նրա ուղեկիցները նահատակվել են 2020 թվականի հունվարի 3-ին՝ ԱՄՆ ժամանակի նախագահ Դոնալդ Թրամփի անմիջական հրահանգով Բաղդադի օդանավակայնի մերձակայքում իրականացված ավիահարձակման հետևանքով:
Դիմադրության առանցքը կամ՝ դիմադրության ճակատը, իրականում ոչ պաշտոնական դաշինք է այնպիսի երկրների և տերությունների միջև, ինչպիսիք են Իրանը, Սիրիան, Իրաքը և Լիբանանը, ի դեմս «Հեզբոլլահ»-ի։ Դիմադրության նպատակն է պայքարել Սիոնիստական ռեժիմի դեմ, վերջ դնել Արևմուտքի գերիշխանությանը Արևմտյան Ասիայի տարածաշրջանում և պաշտպանել պաղեստինցիների դատը:
Վաթան Էմռուզ օրաթերթ
Թրամփը պետք է պատասխանատվության ենթարկվի
Էբրահիմ Ռայիսի. Եթե հանցագործները արդար դատարանում պատասխանատվություն չկրեն, չկասկածեք, որ ժողովուրդն իր վրեժը կլուծի
Իրանի նախագահը հայտարարել է. «Նահատակ Սոլեյմանին պարզապես մի անձ չէր, նա մի ամբողջ մշակույթ էր, դպրոց և ճանապարհ»:
Գեներալ Սոլեյմանիի արյան վրեժը կլուծվի նահատակների ուղին ավարտին հասցնելու միջոցով, այն է՝ ազատագրելով բոլոր արաբական հողերը և ամերիկյան ուժերը դուրս բերելով ողջ տարածաշրջանից, վերջ տալով Սիոնիստական ռեժիմի կյանքին և ազատագրելով Երուսաղեմը։
Խորասան օրաթերթ
Էրդողանի «ջրային ամբիցիաները» չեզոքացնելու լծակը
Վերջին ամիսներին հրապարակվել են բազմաթիվ լուրեր՝ թուրքական ամբարտակների խոշոր նախագծերի և Ռեջեփ Թայիբ Էրդողանի ամսնակցությամբ մի շարք ամբարտակների շահագործման հանձնվելու ամսին: Էրդողանը կտրում է ժապավենները՝ միաժամանակ փաստացիորեն կտրելով իր հարևանների, հատկապես՝ Իրաքի, Իրանի և Սիրիայի բնապահպանական և նույնիսկ տնտեսական և սոցիալական կյանքի թելը: Շատ է խոսվել ջրի կարևորության և ապագա հարաբերությունների ու հակամարտությունների մեջ դրա դերի մասին, բազմիցս է հնչել «ջրային պատերազմ. 21-րդ դարի ճգնաժամ» արտահայտությունը։ Ակնհայտ է, որ համաշխարհային քաղաքական համակարգը հենված է ոչ թե հումանիզմի ու բարոյական արժեքների, այլ քաղաքական ու տնտեսական շահի վրա և չի կարելի ակնկալել, որ երկրները բարոյական խրատների միջոցով կփակեն իրենց աչքերը շահերի և ուժի վրա:
Քեյհան օրաթերթ
Կորոնավիրուսային իրավիճակն ԱՄՆ-ում ու Նիդեռլանդներում. Ոստիկանությունը շներով ու մահակներով հարձակվում է հակապաստվաստումային շարժման մասնակիցների վրա
Արևմտյան երկրներում «օմիկրոն» շտամի տարածման հետևանքով, կորոնավիրուսային իրավիճակը սարսափելի է:
նիդեռլանդներում ոստիկանությունը վարժեցրած շների հետ միասին հարձակվումէ ցուցարարների վրա, ովքեր բողոքում են կորոնավիրուսային սահմանափակումների դեմ:
Իսկ ԱՄՆ-ի օդանավակայաններում իրավիճակն արդեն մի քանի օր լարված է:
armenpress.am
Թուրքմենստանը հերքել է Աֆղանստանի հետ սահմանին միջադեպի մասին լուրերը
Թուրքմենստանի և Աֆղանստանի հետ սահմանին կրակողների մասին լրատվամիջոցների հաղորդումներն իրականությանը չեն համապատասխանում: «Արմենպրես»-ի փոխանցմամբ, այս մասին ասվում է Քաբուլում Թուրքմենստանի դեսպանության տարածած հաղորդագրության մեջ:
Դիվանագիտական ներկայացուցչությունում ընդգծել են որ Թուրքմենստանը բարիդրացիական հարաբերություններ ունի Աֆղանստանի հետ: «Թուրքմենա-աֆղանական սահմանը բարեկամության սահմանն է: Պարբերաբար աֆղանական կողմի հետ համաձայնեցված գործողություններ են իրականացվում՝ պահպանելու թուրքմենա-աֆղանական սահմանի խաղաղությունը»,- հայտնել են դեսպանությունից:
armenpress.am
Հանրային վայրերում և վաճառքի կետերում ծխախոտային արտադրատեսակների հրապարակային ցուցադրությունը կտուգանվի
Շուկայի վերահսկողության տեսչական մարմինը հայտարարություն է տարածել՝ հայտնելով, որ 2022 թվականի հունվարի 1-ից ուժի մեջ Է մտել «Ծխախոտային արտադրատեսակների եվ դրանց փոխարինիչների օգտագործման հետևանքով առողջությանը հասցվող վնասի նվազեցման եվ կանխարգելման մասին» օրենքը:
«Արմենպրես»-ի փոխանցմամբ, օրենքի համաձայն՝ արգելվում է ծխախոտային արտադրատեսակների կամ դրանց պատկանելիքների կամ ծխախոտային արտադրատեսակների փոխարինիչների ցուցադրումը վաճառասրահներում և հանրային սննդի օբյեկտներում:
armenpress.am
Դանիայում գրանցվել Է օմիկրոն շտամից մահվան 18 դեպք
Դանիայում կորոնավիրուսի օմիկրոն շտամից մահվան տասնութ դեպք Է գրանցվել թագավորությունում այդ շտամի հայտնվելու պահից ի վեր:
Այդ մասին, ինչպես տեղեկացնում Է «Արմենպրես»-ը, հաղորդել Է TV2 հեռուստաընկերությունը՝ վկայակոչելով Դանիայի շիճուկների ինստիտուտը: «Մահվան 18 դեպք Է գրանցվել այն մարդկանց շրջանում, որոնք ախտահարվել են օմիկրոն շտամով»,-ասվում Է հաղորդագրության մեջ: Նշվում Է, որ ինստիտուտն առաջին անգամ Է վիճակագրություն հրապարակել օմիկրոնից մահվան դեպքերի մասին:
Օմիկրոնը Դանիայում գրանցվել Է նոյեմբերի վերջին, այժմ այն գերակշռող Է, նրան բաժին Է ընկնում կորոնավիրուսի բոլոր դրական թեստերի շուրջ 90 տոկոսը: Դրա հետ մեկտեղ ինստիտուտում նշում են, որ օմիկրոնով հոսպիտալացվածների թվաքանակը դելտայի համեմատությամբ նվազել Է գրեթե կրկնակի: Առաջվա պես ծանր վիճակում գտնվող հոսպիտալացվածների մեծամասնությունը պատվաստում չստացած հիվանդներն են, հաղորդել Է ՌԻԱ Նովոստին:
panarmenian.net
Ֆրանսիայի հարավում կորոնավիրուսի նոր շտամ են գտել
Ֆրանսիայի հարավում գիտնականները կորոնավիրուսի նոր շտամ են հայտնաբերել, որի մասին տվյալները դեռևս այնքան էլ շատ չեն։
Նշվում է, որ նախկինում անհայտ կորոնավիրուսի այդ տարբերակը հայտնաբերվել է Կամերունից վերադարձած անձի մոտ։ Ենթադրվում է, որ նա առնվազն 12 մարդ է վարակել Ֆրանսիայի հարավում։ Թեստերը վարակվածների մոտ «մուտացիաների անսովոր կոմբինացիա են հայտնաբերել»։
Կորոնավիրուսի նոր տարբերակը B.1.640.2 ժամանակավոր նշագրումն է ստացել։ Այն հայտնաբերել են Մարսելում գտնվող Վարակիչ հիվանդությունների միջերկրածովյան ինստիտուտի գիտնականները։ Ըստ նախնական հետազոտությունների, նոր տարբերակում 46 մուտացիա կա, գրում է Deutsche Welle-ն։
Չի բացառվում, որ նոր շտամը կարող է նախորդներից վարակիչ լինել։ Այս պահի դրությամբ Ֆրանսիայի տարածքում այժմ գերիշխում է «օմիկրոն» տարբերակը, որին բաժին է ընկնում վարակների ավելի քան 60 տոկոսը։
Հունվարի 3-ից Ֆրանսիայում ուժի մեջ է մտել նոր կանոնը, որի համաձայն դիմակ պետք է կրեն նաև 6-ից բարձր տարիքի երեխաները։ Բացի այդ, մեծ քաղաքներում կրկին հարկ կլինի դիմակ կրել նաև փողոցում։
panarmenian.net
«Սպուտնիկ Լայթը» ՀՀ-ում կկիրառվի միայն որպես բուստեր
Հայաստանում կորոնավիրուսային հիվանդության դեմ առկա պատվաստանյութերը համալրվել են ևս մեկով՝ վիրուսային վեկտոր տեխնոլոգիայով արտադրված «Սպուտնիկ Լայթ» պատվաստանյութով, որը Հայաստանում նախատեսվում է կիրառել միայն խթանիչ (բուստեր) դեղաչափով պատվաստումներ իրականացնելու համար:
Պատվաստանյութը ցուցված է 18 տարեկան և բարձր տարիքի անձանց, կորոնավիրուսային հիվանդության (Covid-19) կանխարգելման համար, տեղեկացնում է Առողջապահության նախարարությունը։
Նշվում է, որ 18 տարեկան և բարձր տարիքի, մասնավորապես` ռիսկի խմբերում գտնվող անձինք, կորոնավիրուսային հիվանդության դեմ պատվաստման երկրորդ դեղաչափից 6 ամիս անց կարող են ստանալ խթանիչ (բուստեր) դեղաչափ, որը կնպաստի առավել պաշտպանված լինելուն, հատկապես վերջին շրջանում աշխարհում շրջանառող «օմիկրոն» տարբերակի տարածման համատեքստում:
Հունվարի 2-ի դրությամբ Հայաստանում կորոնավիրուսի դեմ կատարվել է 1,660,256 պատվաստում, տեղեկացնում է Առողջապահության նախարարությունը։ Առաջին դեղաչափ է ստացել 944,784 մարդ, երկրորդը` 714,685:
panarmenian.net
Բլինքենն ու Չավուշօղլուն քննարկել են ՀՀ հետ հարաբերությունների կարգավորման գծով հատուկ ներկայացուցչի նշանակումը
ԱՄՆ պետքարտուղար Էնթոնի Բլինքենը Թուրքիայի ԱԳ նախարար Մևլութ Չավուշօղլուի հետ հանդիպմանն անդրադարձել է ՀՀ հետ հարաբերությունների կարգավորման գծով Թուրքիայի հատուկ ներկայացուցչի նշանակմանը, ասվում է Պետդեպարտամենտի կայքում։
Կողմերը քննարկել են նաև համակարգման կարևորությունն Ուկրաինայում «ռուսական էսկալացիայի սպառնալիքի հանդեպ, երկկողմ գործակցության խորացման հնարավորությունը որպես ՆԱՏՕ-ի գծով դաշնակիցներ՝ փոխադարձ հետաքրքրություն ներկայացնող հարցերի լուծման համար»։
Ավելի վաղ Թուրքիայի արտգործնախարարը հայտարարել էր, որ ՀՀ և Թուրքիայի հատուկ ներկայացուցիչների հանդիպումը կայանալու է Մոսկվայում, հավանաբար՝ հունվարին։
Անկարան ու Երևանը հարաբերությունների կարգավորման համար հատուկ ներկայացուցիչներ են նշանակել։ Թուրքական կողմի ներկայացուցիչը կլինի ԱՄՆ-ում Թուրքիայի նախկին դեսպան Սերդար Քըլըչը, հայկական կողմինը` ԱԺ փոխնախագահ Ռուբեն Ռուբինյանը։
