«Դոնալդ Թրամփի ռազմական լիազորությունների կրճատման» նախագիծը հինգերորդ անգամ չընդունվեց

ԱՄՆ Սենատը, ունենալով հանրապետական մեծամասնություն, հինգերորդ անգամ մերժել է դեմոկրատների նախագիծը՝ Թրամփի ռազմական լիազորությունները սահմանափակելու վերաբերյալ։

Tasnim-ի միջազգային բաժնի փոխանցմամբ՝ ԱՄՆ Սենատը հանրապետական մեծամասնությամբ,  այսօր հինգշաբթի առավոտյան (Թեհրանի ժամանակով)   հինգերորդ անգամ, մերժել է Դոնալդ Թրամփի ռազմական լիազորությունները սահմանափակելու և Իրանի հետ պատերազմը դադարեցնելու մասին նախագիծը։

Այս բանաձևը, որը ներկայացվել էր դեմոկրատ սենատորների կողմից Չակ Շումերի գլխավորությամբ, պարտադրում էր Թրամփին դուրս բերել ամերիկյան զորքերը Իրանի դեմ ռազմական հակամարտություններից, բացառությամբ եթե Կոնգրեսը հստակ պատերազմ հայտարարի կամ հատուկ թույլտվություն տա։

Քվեարկությունը, որն ավարտվեց 47 կողմ և 52 դեմ ձայներով, գրեթե ամբողջությամբ հետևեց կուսակցական գծերին։ Միայն հանրապետական սենատոր Ռենդ Պոլը (Կենտակիից) է կողմ քվեարկել նախագծին, և միայն դեմոկրատ սենատոր Ջոն Ֆեթերմանը (Փենսիլվանիայից) դեմ է եղել իր համախմբակիցներին։