Մամուլի տեսություն 06.03.2022

Չինաստանը և Ռուսաստանը կոչ են արել ԱՄՆ-ին գրավոր երաշխիքներ տրամադրել Իրանի հետ իրենց տնտեսական հարաբերությունների անվտանգության համար։

Վաթան Էմռուզ օրաթերթ

Համաձայնության երեք պտույտ

Գրոսիի Թեհրան կատարած այցի ընթացքում փոխըմբռնում է ձեռք բերվել PMD-ի կարգավորման գործընթացի վերաբերյալ; Սակայն «երաշխիքների», «Թրամփի օրոք Իրանի դեմ կիրառվող պատժամիջոցների» և «ԱՄՆ արտաքին ահաբեկչական կազմակերպության (FTO) ցուցակում մնացող «Իսլամական հեղափոխության պահապանների կորպուսի» հարցերը չեն լուծվել։ Չինաստանն ու Ռուսաստանը ԱՄՆ-ին կոչ են արել գրավոր երաշխիքներ տրամադրել Իրանի հետ իրենց տնտեսական հարաբերությունների անվտանգության ապահովման համար։ 

Ատոմային էներգիայի միջազգային գործակալության գլխավոր տնօրենը, Իրանի 13-րդ կառավարության ընտրությունից հետո երրորդ անգամ, ժամանել  է Թեհրան, այն պայմաններում երբ Վիեննայում ավարտվել է  ՀԳՀԾ-ի բանակցությունների 8-րդ փուլը: ՀԳՀԾ-ի կարգավիճակը որոշելու բանակցությունները հասել են մի կետի, երբ Իրանը ընդունել է այն, ինչ պետք է արվեր, և համաձայնության հասնելը կախված է Վաշինգտոնի և 4+1-ի քաղաքական որոշումից։

Ջավան օրաթերթ

Տեղի է ունեցել հրթիռային և անօդաչու թռչող սարքերի նոր բազաների բացումը

Իրանում ԻՀՊԿ-ի օրվան ընդառաջ, իսլամական հեղափոխության պահապանների  կորպուսի գլխավոր հրամանատարի ներկայությամբ բացվել են ռազմաօդային ուժերի երկու հրթիռային և անօդաչու թռչող սարքերի հենակետերը:

Իրան

Ուկրաինական էլեկտրաէներգիայի բանալին ռուսական բանակի ձեռքում է

Ռուսական բանակը, որն ավելի վաղ վերահսկողության տակ էր վերցրել հին ու խարխուլ Չեռնոբիլի ատոմակայանը, իր վերահսկողության տակ առնելով Զապորոժիեյի ատոմակայանը, փաստորեն  վերահսկողության տակ է վերցրել Ուկրաինայի հինգ ատոմակայաններից երկուսը: «Ալ-Ջազիրա» լրատվական կայքի հաղորդմամբ, հինգշաբթի օրը Անրդոհարի քաղաքապետը հայտարարել է, որ ռուսական զրահատեխնիկայի հսկայական շարասյունը շարժվել է դեպի «Զապիրոժյա» էլեկտրակայան։

Ռուսաստանի զինվորականները վերահսկողության տակ են վերցրել Եվրոպայի ամենամեծ ատոմակայանը, որն ապահովում է Ուկրաինայի էլեկտրաէներգիայի 20 տոկոսը։ Ռուսական բանակի ներկայությունը այս ատոմակայանում ռազմավարական հաղթանակ է Կրեմլի համար և կարող է նրան առավելություն տալ Արևմուտքի հետ բանակցություններում։

 Էթելլահաթ օրաթերթ

Ահաբեկչությանը աջակցելու համար ԱՄԷ-ն հայտնվել է ԱՄԷ-ի սև ցուցակում

Ֆինանսական գործողությունների աշխատանքային խումբը (FATF) հայտարարել է. «Ահաբեկչության ֆինանսավորման և անօրինական ֆինանսական հոսքերի դեմ պայքարում առաջընթացի բացակայության պատճառով ԱՄԷ-ն ընդգրկվել է FATF սև ցուցակում»։

Խմբի մոխրագույն ցուցակում հայտնված երկրները, մանրազնին վերահսկողության ենթարկվելուց բացի, բախվում են վարկի կորստի և վարկային վարկանիշների փոփոխության, համաշխարհային ֆինանսական աջակցություն ստանալու հետ կապված խնդիրների և ֆինանսական գործարքների ծախսերի վտանգի հետ:

Ֆինանսական գործողությունների աշխատանքային խումբը (FATF) հայտարարել է.«ԱՄԷ-ն պետք է ավելի շատ ջանքեր գործադրի FATF-ի գործողությունների ծրագրի իրականացման համար՝ ուժեղացնելով փողերի լվացման դեմ պայքարի ռեժիմը և հակազդելու ահաբեկչության ֆինանսավորմանը»։

armenpress.am

Էրդողանն ակնկալում է հեռախոսազրույց ունենալ Պուտինի հետ

 Թուրքիայի նախագահ Ռեջեփ Թայիփ Էրդողանը ակնկալում է մարտի 6-ին հեռախոսազրույց ունենալ Ռուսաստանի Դաշնության նախագահ Վլադիմիր Պուտինի հետ: «Արմենպրես»-ի փոխանցմամբ, այս մասին NTV-ի եթերում ասել է Թուրքիայի նախագահի ներկայացուցիչ Իբրահիմ Քալընը:

«Այս պատերազմը պետք է անհապաղ դադարեցվի, պետք է նստել բանակցային սեղանի շուրջ: Մեր նախագահը շատ ինտենսիվ դիվանագիտություն է վարում: Վաղը մեր նախագահը բանակցություններ կունենա Պուտինի հետ»,- հայտարարել է Քալընը:

yerevanlur.am

Հայաստանում հաստատվել է կորոնավիրուսի 115 նոր դեպք. մահացել է 8 քաղաքացի

Հայաստանում մարտի 6-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 421 հազար 341 դեպք, որից 406 հազար 193-ը`առողջացման, 8536-ը` մահվան ելքով:

Կորոնավիրուսային հիվանդությունից այս պահին փաստացի բուժում է ստանում 4 984 բուժառու:  Այս մասին հայտնում է ՀՀ առողջապահության նախարարությունը:

Մեկ օրում կատարվել է 3 422 թեստավորում, հաստատվել է կորոնավիրուսային հիվանդության 115 նոր դեպք, առողջացել է 505 քաղաքացի, արձանագրվել է մահվան 8 դեպք:

Թեստավորումների ընդհանուր թիվը հասել է 2 միլիոն 916 հազար 349-ի:

araratnews.am

Հայտնի է` երբ տեղի կունենա ՌԴ-Ուկրաինա բանակցությունների երրորդ փուլը

Ռուս-ուկրաինական բանակցությունների երրորդ փուլը տեղի կունենա մարտի 7-ին: Այս մասին հայտնել է ուկրաինական ՛՛Ժողովրդի ծառա՛՛ խմբակցության ղեկավար Դավիթ Արախամիան:

Հիշեցնենք, որ բանակցությունների երկրորդ փուլը տեղի է ունեցել մարտի 3-ին: Կողմերը պայմանավորվածություն են ձեռք բերել խաղաղ բնակիչների տեղափոխման համար հումանիտար միջանցք ստեղծելու շուրջ:

yerevanlur.am

Իրանական ընկերությունները կմասնակցեն Հայաստանում տարանցիկ ճանապարհների կառուցմանը

Իրանի արդյունաբերության, հանքերի և առևտրի նախարար Ռեզա Ֆաթեմի Ամինը կառուցողական է որակել իր այցը Հայաստան՝ նշելով, որ Երևանն ու Թեհրանը պայմանավորվել են համատեղ ձեռնարկների շուրջ:  Այս մասին հայտնեցին ՀՀ-ում Իրանի դեսպանատնից:

«Մենք նոր պայմանագրեր ենք ստորագրել հայ պաշտոնյաների հետ դեղագործական արտադրանքի և կենցաղային տեխնիկայի համատեղ արտադրության վերաբերյալ։ Համատեղ արտադրանքը կարտադրվի Հայաստանում և կարտահանվի այլ երկրներ»,- ասել է Ռեզա Ֆաթեմի Ամինը։

Նա հայտարարել է, որ իր այցը Հայաստան նպատակ ունի ընդլայնել երկկողմ առևտրային կապերը՝  ներդրումների միջոցով:

«Այս այցը միտված է համատեղ ձեռնարկությունների միջոցով Իրանի և Հայաստանի միջև կապերի խորացմանը»,- Երևան այցին ընդառաջ հայտարարել էր նախարարը:

Ռեզա Ֆաթեմի Ամինը հայտարարել է, որ Հայաստանն ու Իրանը պայմանավորվել են Հայաստանում ենթակառուցվածքային նախագծերի շուրջ:

ՀՀ էկոնոմիկայի նախարար Վահան Քերոբյանի, տարածքային կառավարման և ենթակառուցվածքների նախարար Գնել Սանոսյանի և ՀՀ փոխվարչապետի հետ հանդիպումների ընթացքում մենք նախնական պայմանավորվածություններ ենք ձեռք բերել մի շարք հարցերի շուրջ, ինչպիսիք են Հայաստանում իրանական ընկերությունների կողմից ճանապարհների կառուցումը»,- ասել է նախարարը՝ հավելելով, որ պայմանավորվել են, որ իրանական ընկերությունները մասնակցեն Հայաստանում տարանցիկ ճանապարհների կառուցման մրցույթներին:

news.am

ՌԴ ԱԳՆ-ը զգուշացրել է Ուկրաինա վարձկաններ ուղարկող երկրներին

Երկրները, որոնք խրախուսում են վարձկանների ուղարկումը Ուկրաինա, դառնում են ռազմական հանցագործությունների մեղսակիցներ, շաբաթ օրը հայտարարել է ՌԴ ԱԳՆ-ն։

«Չնայած հայտարարություններին, որ ՆԱՏՕ-ն «Ուկրաինայի հակամարտության մաս չէ», դաշինքը շարունակում է աջակցել կիեւյան ռեժիմին, այդ թվում՝ սպառազինության մատակարարումներով։ Որոշ անդամ երկրներ խրախուսում են վարձկանների, այդ թվում՝ «նախկին զինվորականների» ուղարկումը՝ ազգայնական կազմավորումների կողմից ռազմական գործողություններին մասնակցելու համար»,- ասել է գերատեսչության պաշտոնական ներկայացուցիչ Մարիա Զախարովան։

«Այսպիսով, այս երկրների իշխանությունները դառնում են ռազմական հանցագործությունների մեղսակիցներ»,- ընդգծել է նա։