Մամուլի տեսություն 19.10.2022
Արձագանքելով Բորելի այն հայտարարությանը, թե ամբողջ աշխարհը, բացի Եվրոպայից, անտառ է, Վաթան օրաթերթը գրել է. «Այսօրվա Եվրոպան կառուցված է 3 մեծ ու սարսափելի մարդկային պատերազմների և ավելի քան 100 միլիոն զոհերի արյան գնով»:
Քեյհան օրաթերթ
Bloomberg. Ռուսաստանի, Չինաստանի և Իրանի միջև համակարգումը կթուլացնի ԱՄՆ-ի համաշխարհային ազդեցությունը
Անդրադառնալով ռազմական մարտահրավերների նկատմամբ Վաշինգտոնի թուլությանն ամերիկացի վերլուծաբանը նշել է, որ Ռուսաստանի, Չինաստանի և Իրանի միջև համակարգումը կթուլացնի ԱՄՆ-ի համաշխարհային ազդեցությունը:
Bloomberg-ում հրապարակած հոդվածում Հալ Բրենդսը նշել է, որ Ռուսաստանի, Չինաստանի և Իրանի միջև համակարգված գործողությունները կարող են զգալիորեն թուլացնել Միացյալ Նահանգների գլոբալ ազդեցությունը։ Վերլուծաբանը համոզված է, որ ԱՄՆ-ը չի կարող զսպել Չինաստանի և Թայվանի միջև հակամարտությունը կամ դիմակայել Իրանին՝ ուկրաինական ճգնաժամին զուգահեռ:
Նա նշում է. «Չինաստանի և Ռուսաստանի հետ լարվածությունը Վաշինգտոնին ստիպում է զգուշանալ Իրանից, մինչդեռ Բայդենի վարչակազմը պետք է Մոսկվայի հետ պատերազմում զգուշանա նաև Չինաստանի նախագահ Սի Ցզինպինի քայլերից»:
Ջավան օրաթերթ
Պենտագոնը չի հաստատել Իրանից Ռուսաստան հրթիռներ ուղարկելու Թեհրանի մտադրության վերաբերյալ արևմտյան որոշ լրատվամիջոցներում շրջանառվող լուրերը:
Պենտագոնի խոսնակ Պատրիկ Ռայդերը երեքշաբթի օրը հայտարարել է, որ ներկայումս տեղեկություններ չկան, որոնք կհաստատեն Իրանի կողմից Ռուսատսանին «երկիր-երկիր» հրթիռներ մատակարարելու մասին տեղեկությունները:
Ավելի վաղ Reuters լրատվական գործակալությունը, որը տարածում է հակաիրանական լուրեր, հաղորդել էր, որ Թեհրանը Մոսկվային խոստացել է «երկիր-երկիր» հրթիռներ և «ավելի շատ անօդաչու սարքեր» վաճառել:
Reuters-ը պնդել է, որ այս կապակցությամբ պայմանավորվածությունը ձեռք է բերվել հոկտեմբերի 4-ին, երբ Իրանի փոխնախագահը Իսլամական հեղափոխության պահապանների կորպուսի երկու բարձրաստիճան պաշտոնյաների հետ մեկնել էր Ռուսաստան։
Վաթան էմռուզ օրաթերթ
Եվրոպան կենդանաբանական այգի է
Այսօրվա Եվրոպան կառուցված է 3 մեծ ու սարսափելի մարդկային պատերազմների և ավելի քան 100 միլիոն զոհերի գնով:
ԵՄ արտաքին քաղաքականության պատասխանատու Ջոզեպ Բորելի ռասիստական հայտարարությունները պետք է դասվեն այն խոստովանությունների շարքին, որոնք ժամանակ առ ժամանակ հանում են բոլոր այն դիմակները, որոնք կրում են եվրոպացի պաշտոնյաները և բացահայտում, թե ինչ են թաքցրել իրենց մտքում:
Բելգիայում ունեցած իր ելույթում Բորելն ասել է. «Եվրոպան այգի է, իսկ մնացած աշխարհի մեծ մասն անտառ: Անտառը կարող է հարձակվել այգու վրա»։
Միջգուցե կարելի է ընդունել Բորելի այս հայտարարությունը, որը Կանաչ մայրցամաքը համեմատում է այգու հետ, սակայն նա չի նշում այն գինը, որով այդ այգին ձեռք է բերվել:
Պատմությունը վկայում է, որ այս այգու հիմքը դրվել է միլիոնավոր մարդկանց արյան վրա։ Եվրոպացիները հասկացան, որ պետք է ավելի քաղաքակիրթ լինեն և միասին այգի կառուցեն, երբ հոգնեցին միմյանց սպանելուց։ Այս մայրցամաքում և եվրոպական տերությունների գլխավորությամբ 3 մեծ պատերազմները փոխել են մարդկության պատմության «ամենա»-ի ռեկորդը։
Ջավան օրաթերթ
Նավթի վաճառքով Իրանը կոտրում է պատժամիջոցների պատըւ
Վենեսուելայում El Palito նավթավերամշակման գործարանի վերագործարկումից հետո, այժմ առանց բանակցությունների և ամբողջական պատժամիջոցների պայմաններում, Իրանն օրական 100,000 բարել հում նավթ կարտահանի Վենեսուելա՝ այս գործարանում վերամշակելու համար։ Այս քայլը կդառնա պատժամիջոցների չեզոքացման սկիզբը:
Նավթի վաճառքի ոլորտում Իրանի 13-րդ կառավարության կարևոր քաղաքականություններից մեկը եղել է նավթի շուկայի զարգացման վրա կենտրոնացումը՝ հարևան երկրներ տեխնիկական և ինժեներական ծառայությունների արտահանման ևչգործող կամ կիսակտիվ նավթավերամշակման գործարանների վերականգնման միջոցով:
armenpress.am
ԱՄՆ Պետքարտուղարությունը ողջունել է Մասկի որոշումը Ուկրաինայում Starlink արբանյակի վերաբերյալ
ԱՄՆ վարչակազմը ողջունում է ամերիկացի միլիարդատեր և ձեռնարկատեր Իլոն Մասկի հայտարարությունն այն մասին, որ նա պատրաստ է շարունակել ֆինանսավորել Starlink արբանյակային կապի համակարգը Ուկրաինայում:
«Արմենպրես»-ի փոխանցմամբ՝ ինչպես հայտնում է «ՌԻԱ Նովոստի»-ն, այս մասին Պետդեպարտամենտի կայքում ճեպազրույցի ժամանակ ասել է ԱՄՆ պետքարտուղարի Եվրոպայի և Եվրասիայի հարցերով օգնական Կարեն Դոնֆրիդը։
«Մենք ողջունում ենք Մասկի հայտարարությունը, որ նա պատրաստ է շարունակել ֆինանսավորել Starlink-ի աշխատանքը՝ ի շահ Ուկրաինայի», - ասել է Դոնֆրիդը։
Նա ընդգծել է, որ Starlink-ը էական ազդեցություն ունի այս երկրում ռազմական գործողությունների ընթացքի վրա։
armenpress.am
Եվրախորհրդարանը կոչ է արել մինչև տարեվերջ Շենգենյան գոտի ընդունել Ռումինիային և Բուլղարիային
Եվրախորհրդարանը ԵՄ երկրներին կոչ է արել արագացնել Ռումինիան և Բուլղարիան Շենգենյան գոտում ընդունելու գործընթացը և այն ավարտել մինչև տարեվերջ:
«Արմենպրես»-ի փոխանցմամբ՝ ինչպես հայտնում է «ՌԻԱ Նովոստի»-ն, այս մասին ասվում է հոկտեմբերի 18-ին հաստատված Եվրախորհրդարանի բանաձևում:
Պատգամավորների խոսքով՝ ԵՄ խորհուրդը դեռ որոշում չի կայացրել Շենգենյան գոտուն Բուլղարիայի և Ռումինիայի ինտեգրման վերաբերյալ, չնայած այն հանգամանքին, որ երկու երկրներն էլ երկար տարիներ բավարարում են պահանջվող չափանիշներին։ «Եվրամիության խորհուրդը պետք է հաստատի Ռումինիայի և Բուլղարիայի՝ Շենգենյան գոտուն ինտեգրվելու մասին որոշումը մինչև 2022 թվականի վերջ: Դա վերջ կդնի ներքին սահմանային ստուգումներին 2023 թվականի սկզբից»,- ասվում է փաստաթղթում։
Սահմանային հսկողության պահպանումը, ըստ եվրոպացի խորհրդարանականների, խտրականություն է ԵՄ այս երկրների քաղաքացիների նկատմամբ, դժվարացնում է աշխատողների տեղաշարժը ԵՄ այլ երկրներում, ինչպես նաև ապրանքների և ծառայությունների փոխանակումը ընդհանուր շուկայում:
armenpress.am
Գերագույն ռադան ճանաչել Է Իչքերիայի ինքնիշխանությունը եւ դատապարտել ռուսաստանցիների հանցագործությունները չեչենների դեմ
Ուկրաինայի Գերագույն ռադան Իչքերիայի Չեչենական Հանրապետությունը ճանաչել Է Ռուսաստանի Դաշնության կողմից ժամանակավորապես օկուպացված եւ դատապարտել չեչեն ժողովրդի նկատմամբ ցեղասպանություն իրականացումը, տեղեկացնում Է «Արմենպրես»-ը:
«Իչքերիայի Չեչենական Հանրապետության ճանաչման վերաբերյալ, հանրապետություն, որը ժամանակավորապես օկուպացվել Է Ռուսաստանի Դաշնության կողմից, եւ չեչեն ժողովրդի նկատմամբ ցեղասպանության դատապարտման հայտարարության» որոշման ընդունման օգտին քվեարկել են 287 ժողովրդական պատգամավորներ: Գերագույն ռադան ՄԱԿ-ի անդամ պետություններին եւ միջազգային կազմակերպություններին կոչ Է անում ապահովել այն միջազգային հանցագործությունների անկախ եւ անաչառ հետաքննությունը, որոնք կատարվել են ժամանակավորապես օկուպացված Իչքերիայի Չեչենական Հանրապետության տարածքում եւ ապահովել մեղավոր անձանց պատասխանատվության ենթարկելը, հաղորդել Է «Ուկրինֆորմ»-ը:
panorama.am
Ռուսաստանի նավթային եկամուտները սեպտեմբերին կրճատվել են 3,2 մլրդ դոլարով
Սեպտեմբերին Ռուսաստանի նավթային եկամուտները կրճատվել են 3,2 մլրդ դոլարով՝ հասնելով 15,3 մլրդ դոլարի: Լուրը հայտնում է ՏԱՍՍ-ը՝ վկայակոչելով Միջազգային էներգետիկ գործակալության (ՄԷԳ) զեկույցը։
Սեպտեմբերին ռուսական նավթի արտահանումը նվազել է օրական 230 հազար բարելով՝ հասնելով 7,5 միլիոն բարելի, իսկ Եվրամիություն (ԵՄ) մատակարարումները օգոստոսի համեմատ նվազել են օրական 390 հազար բարելով։
ՄԷԳ-ն հավելել է, որ Ռուսաստանից նավթի ներմուծման սահմանափակումների ներդրումից հետո մատակարարումները կարող են էլ ավելի կրճատվել։
Հոկտեմբերի 12-ին ՌԴ ֆինանսների փոխնախարար Ալեքսեյ Սազանովը հայտարարել է, որ Ռուսաստանում նավթի արդյունահանման ժամանակավոր անկում կարող է տեղի ունենալ՝ կապված արևմտյան երկրների սահմանափակումների հետ։ Նրա խոսքով, 2023 թվականին փոքր շուրջ 5 % ծավալների անկում պետք է սպասել։
panorama.am
ԱՄՆ-ում մոտալուտ համաշխարհային ճգնաժամը համեմատել են գնացքի վթարի հետ
Համաշխարհային տնտեսությունում սպառնալիքները զգալիորեն աճում են, Newsweek-ին տված հարցազրույցում հայտարարել է ԱՄՆ Տնտեսական խորհրդատուների խորհրդի նախկին ավագ տնտեսագետ և Նյու Յորքի համալսարանի պրոֆեսոր Նուրիել Ռուբինին:
«Համաշխարհային տնտեսական իրավիճակը հիշեցնում է գնացքի վթարի դանդաղեցված կադր»,- ասել է նա։
Հոկտեմբերին հրապարակվել է նրա գիրքը, որում ներկայացրել է 10 վտանգավոր միտումները, որոնք սպառնում են ապագայում։ Պրոֆեսորը գրել է, որ գուշակել է մի երևույթ հաջորդ տասնամյակում, որը նա անվանել է «Բոլոր պարտքային ճգնաժամերի մայրը»:Նա նաև նշել է, որ աշխարհը ընկղմվել է «աշխարհաքաղաքական դեպրեսիայի մեջ»:
Համաշխարհային տնտեսությունը նման վիճակի հասցրած գործոններից պրոֆեսորը նշել է Չինաստանի և Թայվանի միջև լարվածությունը, Հյուսիսային Կորեայի կողմից հրթիռների արձակումը, Ռուսաստանի և Ուկրաինայի հակամարտությունը և այլն։
