Մամուլի տեսություն - 20.12.2022
Երեկ տեղի է ունեցել Իրանի հարևանների միջև տարածաշրջանային երկխոսությունների վերաբերյալ Թեհրանի երրորդ գագաթնաժողովը, որին ներկա էին նաև տարածաշրջանի երկրների արտաքին քաղաքականության պատասխանատուները։
Քեյհան օրաթերթ
1000 միլիարդ դոլարի վնաս է հասել Եվրոպային էներգետիկ ճգնաժամից
Բլումբերգը հայտնել է էներգետիկայի ոլորտում Եվրոպայի ծանր վնասների մասին և ուկրաինական պատերազմից և գրել, որ «Եվրամիության անդամ երկրները էներգետիկ ճգնաժամի պատճառով կորցրել են գրեթե մեկ տրիլիոն դոլար»։ Այս ամերիկյան լրատվական գործակալությունն այնուհետև բացատրել է, որ «սա պատմության միայն սկիզբն է, քանի որ եվրոպական երկրներում էներգակիրների գների բարձրացումը հավանաբար տարիներ կպահանջի»։
Վաթան Էմրուզ օրաթերթ
Նոր աշխարհակարգ: Տարածաշրջանային նոր քաղաքականության առանցքը Արևմտյան Ասիայում
Իրանի հարևանների միջև տարածաշրջանային երկխոսությունների վերաբերյալ Թեհրանի երկխոսության երրորդ հանդիպումը երեկ կայացել է արտաքին գործերի նախարարի և հեղափոխության գերագույն առաջնորդի արտաքին հարցերով գերագույն խորհրդականի ներկայությամբ։ Այս հանդիպմանը, բացի տարածաշրջանի երկրների արտաքին քաղաքական պատասխանատուներից, ներկա էին այդ երկրների արտաքին կապերի վերլուծական կենտրոնների ղեկավարները։
Որոշ փորձագետներ այն կարծիքին են, որ նոր կարգն անփոխարինելի հնարավորություններ է ընձեռում տարածաշրջանի երկրներին բազմակողմ և միջազգային համագործակցության միջոցով փրկվելու ամերիկյան և արևմտյան գաղութատիրության և իմպերիալիզմի ճնշումից, որը դարեր շարունակ պատուհասել է տարածաշրջանի երկրներին: Մտածողության այս տեսակը նշանակում է, որ անվտանգության առումով տարածաշրջանի երկրները պետք է ձգտեն անվտանգություն ստեղծել իրենց տարածաշրջանային միջավայրում՝ օգտագործելով կառավարությունների միջև ուղիղ երկխոսության և միևնույն ժամանակ տարածաշրջանային համագործակցության գործիքները՝ դիմակայելու այս նոր կարգին։ Արտաքին ուժերից ազատվելը, որոնք որոշումներ են կայացնում տարածաշրջանի և նրա երկրների համար և նրանցից յուրաքանչյուրի անվտանգությունը կապում են աշխարհում և տարածաշրջանում իրենց շահերի անվտանգության հետ, պետք է լինի երկրների վարքագծի կարևորագույն բաղադրիչներից մեկը՝ ի դեմս տարածաշրջանի նոր աշխարհակարգըով:
Էթելաաթ օրաթերթ
Մեսսիի հաւերժությունը
Կատարում կայացած ԱԱ-2022-ի եզրափակիչ հանդիպման արտացոլումները ցույց են տալիս, որ շատերի կարծիքով մենք ականատես եղանք աշխարհի առաջնության ամենագեղեցիկ եզրափակիչին։ Երևակայությունից վեր մրցավազք: Դիտարժան, հուզիչ և ողբերգական ավարտ Ֆրանսիայի համար և իհարկե դրամատիկ՝ արծաթե երկրի ժողովրդի և Լիոնել Մեսսիի համար:
Այս մրցաշարի գերաստղը, անկասկած, ոչ այլ ոք էր, քան Մեսսին, ով շատերի համար վերակենդանացրեց լեգենդար Մարադոնայի մասին հիշողությունները։
Հաջողություն չունենալու և աշխարհի առաջնությունում հաղթելու ծանրությունը ավելի քան երբևէ զգացվում էր Արգենտինայի կարճահասակ ավագի ուսերին, և իհարկե Կատարի աշխարհի առաջնությունը վերջին հնարավորությունն էր 34-ամյա աստղ Ալբի Սելեստեի համար։ Հնարավորություն, որը մեկ քայլով մոտեցավ դրան 2014 թվականի Բրազիլիայի գավաթի խաղարկությունում, բայց դա հնարավոր չեղավ։
Գավաթի հենց սկզբից պարզ էր արգենտինացիների ոսկե գավաթը նվաճելու աննկարագրելի ծարավը։ Մեսսիի ընկերներն ու թիմակիցները ոչ միայն երազում էին չեմպիոնության մասին, այլ նրանց գլխավոր նպատակը Մեսսիի համար գավաթը նվաճելն էր, և այդ մասին նրանք անխոհեմաբար հայտարարեցին ասուլիսներում։
Իրան օրաթերթ
Իրանի և Չինաստանի միջև ռազմավարական գործընկերությունը պատժամիջոցների դեմ
Իրանի 13-րդ կառավարության կարևոր գործողություններից մեկը կարելի է անվանել տարածաշրջանային տնտեսական սերտաճման իրականացումը՝ տարածաշրջանային հարաբերություններում օտարերկրների միջամտությունը զրոյացնելու քայլերը։
Այս գործողությունը և՛ կչեզոքացնի սահմանափակող գործողությունները, ինչպիսիք են արևմտյան պատժամիջոցները, և՛ նաև սիներգիա կստեղծի տարածաշրջանային սպառնալիքների դեմ։ Առկա հնարավորություններից մեկը տարածաշրջանին և արևելքին նայելու հեռանկարն է, որը կարողացել է դրան նպաստել իր գործընթացների իրականացմամբ։ Ըստ այդմ, Չինաստանը, որպես աշխարհի երկրորդ խոշոր տնտեսություն և Իրանի կարևորագույն գործընկեր Արևելքում, այս ցուցակի առաջին տեղում է։
armenpress.am
Արմեն Գրիգորյանը վստահեցնում է՝ Հայաստանի իշխանությունը գործով է ապացուցում, որ շարունակում է մնալ Արցախի անվտանգության երաշխավորը
Հայաստանի Հանրապետության իշխանությունը գործով ապացուցում է, որ շարունակում է մնալ Արցախի անվտանգության երաշխավորը:
Ինչպես տեղեկացնում է «Արմենպրես»-ը,Ազգային ժողովի արտահերթ նիստում այս մասին ասաց Անվտանգության խորհրդի քարտուղար Արմեն Գրիգորյանը՝ անդրադառնալով ԱԺ «Հայաստան» խմբակցության պատգամավոր Գեղամ Մանուկյանի հարցին, թե արդյոք Հայաստանի Հանրապետությունը շարունակո՞ւմ է մնալ Արցախի անվտանգության երաշխավորը, ինչպես ամրագրված է Կառավարության 2021-2026 թվականների ծրագրում:
«Պարոն Մանուկյան, դա ասելով չի. ինչպես հայտնի է, դա գործով են ապացուցում, և իշխանությունը գործով դա ապացուցել է: Նախորդ տարի մոտ 200 միլիարդ դրամի ֆինանսական աջակցություն է տրամադրվել Արցախին, և այդ ֆինանսական աջակցությունը, կարծում եմ, տեղյակ եք, որ ոչ միայն սոցիալ-տնտեսական, այլ նաև անվտանգության հարցեր է լուծում: Եվ այստեղ երկրորդ կարծիք չի կարող լինել: Կարծում եմ պատասխանը հստակ է»,- ընդգծեց Գրիգորյանը:
armenpress.am
ԵՄ-ն հիմքեր է նախապատրաստում Հայաստանում հնարավոր առավել երկար ժամկետով առաքելության տեղակայման համար
Եվրամիությունը Հարավային Կովկասում իր ներգրավվածության նոր փուլ է սկսում անցումային թիմով, որը հիմքեր կնախապատրաստի Հայաստանում հնարավոր առավել երկար ժամկետով ԵՄ առաքելության տեղակայման համար։ «Արմենպրես»-ի փոխանցմամբ՝ այս մասին հայտարարել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը դեկտեմբերի 19-ին Եվրամիության դիտորդական առաքելության մանդատի ժամկետի ավարտի կապակցությամբ։
Բորելը նշել է, որ առաքելությունը տեղակայվել էր Հայաստանում հոկտեմբերի 20-ին՝ հայ-ադրբեջանական սահմանի հայկական կողմում՝ համաձայն Հայաստանի, Ադրբեջանի, Եվրոպական խորհրդի և Ֆրանսիայի միջև ձեռք բերված համաձայնության՝ տեղում տիրող իրավիճակը դիտարկելու, վերլուծելու և դրա մասին տեղեկացնելու նպատակով։
«Եվրոպացի 40 փորձագետների տեղակայումն ապացուցեց իր արդյունավետությունը և նպաստեց անկայուն իրավիճակում վստահության ամրապնդմանը։ Այսօր Եվրամիությունը Հարավային Կովկասում իր ներգրավվածության նոր փուլ է սկսում անցումային թիմով, որը հիմքեր կնախապատրաստի Հայաստանում հնարավոր առավել երկար ժամկետով ԵՄ առաքելության տեղակայման համար, որի վերջնական նպատակը կլինի նպաստել տարածաշրջանում կայուն խաղաղության հաստատմանը», - հայտարարել է Բորելը։
ԵՄ դիվանագիտության ղեկավարը հավելել է, որ հենց այդ հիմքով Եվրամիության խորհուրդը՝ Հայաստանի իշխանությունների համաձայնությամբ, որոշել է Վրաստանում գործող ԵՄ դիտորդական առաքելությունից անցումային, պլանավորման աջակցության թիմ տեղակայել Հայաստանում՝ մեծացնելու անվտանգության իրավիճակի վերաբերյալ ԵՄ տեղեկացվածությունը և նպաստելու նոր հնարավոր քաղաքացիական Անվտանգության և պաշտպանության ընդհանուր քաղաքականության (CSDP) առաքելության ծրագրմանն ու նախապատրաստմանը։
Ըստ հայտարարության՝ ակնկալվում է, որ անցումային, պլանավորման աջակցության թիմը կաջակցի նաև ԵՄ խորհրդի նախագահ Շառլ Միշելին Հայաստանի ու Ադրբեջանի միջև կարգավորումը խթանելու գործընթացում։
sputnikarmenia.am
ՀՀ իշխանությունը փորձում է իր պարտականությունները բարդել ՌԴ–ի վրա. Մինասյանը` Լաչինի մասին
ՀՀ իշխանությունը հերթական անգամ իր պարտականությունը ուզում է բարդել ՌԴ–ի վրա։ ԱԺ արտահերթ նիստի ժամանակ իր ելույթում այս մասին ասաց «Հայաստան» խմբակցության քարտուղար Արծվիկ Մինասյանը` անդրադառնալով ԱԽ քարտուղար Արմեն Գրիգորյանի հայտարարությանը։
Արմեն Գրիգորյանն այսօր ասել էր, թե 2020-ի նոյեմբերի 9-ի հայտարարությամբ Լաչինի միջանցքի անվտանգության ապահովողը ՌԴ–ն է։ Նա կոչ արեց ընդդիմությանն աշխատել այս ուղղությամբ, որ Ռուսաստանը կատարի իր պարտավորությունները։
«Իշխանությունը փորձում է մանիպուլյացիա անել և իր պարտականությունները բարդել ՌԴ–ի վրա։ Ուզում եմ հիշեցնել, որ ձեր իշխանությունն է հանձնել Քաշաթաղը, Լաչինի այլընտրանքային ճանապարհը, ստանձնել պարտավորություն Արցախի անվտանգության երաշխավորը լինելու։ Հիմա եկել ու լոլոներ եք ասում, թե ռուսներից պահանջենք։ Այո՛, ռուսներից էլ կպահանջենք, բայց առաջին պատասխանատուն դո՛ւք եք ստեղծված իրավիճակի»,–ասաց Մինասյանը։
Նրա խոսքով` Հայաստանում ու Արցախում ստեղծված իրավիճակի թիվ մեկ պատասխանատուն ՀՀ իշխանությունն է։
Հիշեցնենք, որ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Նույնը տեղի էր ունեցել նաև դեկտեմբերի 3-ին։ ՌԴ խաղաղապահների՝ ավելի քան երեք ժամ տևած բանակցություններից հետո ճանապարհը երկկողմանի բացվել էր։
Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Մարդիկ զրկված էին ջեռուցումից, տաք ջրից, բուժհաստատությունները չէին կարողանում ապահովել առաջնային բժշկական օգնություն, Արցախի ուսումնական հաստատություններում, որոնք ջեռուցվում են գազով, դադարեցվել էր դասապրոցեսը։
Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
armeniasputnik.am
Արցախում երկու բուժառուի վիճակը ծայրահեղ ծանր է. Արցախի ԱՆ
Արցախի Հանրապետական բժշկական կենտրոնում 9 բուժառու գտնվում է ռեանիմացիոն բաժանմունքում, որոնցից 2-ը ծայրահեղ ծանր վիճակում են։ Տեղեկությունը հայտնում է ԱՀ առողջապահության նախարարությունը հավելելով, որ բժիշկների կողմից կատարվում է հնարավորը հիվանդների վիճակը կայունացնելու համար:
Ըստ հաղորդագրությյան, «Արևիկ» բուժմիավորումում 13 երեխա գտնվում է ռեանիմացիոն և նորածնային բաժանմունքներում: Նրանցից 4 ամսական փոքրիկի առողջական վիճակը, ում մոտ ախտորոշվել էր «Վիսցերալ լեյշմանիոզ», շարունակում է մնալ ծանր:
«Արցախի բժիշկները անհրաժեշտ բուժօգնությունը ցուցաբերում են՝ առցանց կապով խորհրդակցելով ՀՀ մասնագետների հետ»,– ասված է հաղորդագրությունում։
Նշվում է նաև, որ Արցախի ԱՀ առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։
Հիշեցնենք, որ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Նույնը տեղի էր ունեցել նաև դեկտեմբերի 3-ին։ ՌԴ խաղաղապահների՝ ավելի քան երեք ժամ տևած բանակցություններից հետո ճանապարհը երկկողմանի բացվել էր։
Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Մարդիկ զրկված էին ջեռուցումից, տաք ջրից, բուժհաստատությունները չէին կարողանում ապահովել առաջնային բժշկական օգնություն, Արցախի ուսումնական հաստատություններում, որոնք ջեռուցվում են գազով, դադարեցվել էր դասապրոցեսը։
Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
