Մամուլի տեսությունը 24.02.2023

Սիոնիստական ​​ռեժիմի ծայրահեղական կաբինետի պատերազմի նախարարը պաղեստինյան ժողովրդին սպառնացել է, որ կշարունակի սպանել զինված պաղեստինցիներին։

Ջամե Ջամ

Աֆրիկյան միությունը անդամ երկրներին կոչ է արել խզել հարաբերությունները Իսրայելի հետ

Աֆրիկյան միության 55 անդամներ կոչ են արել այս միության անդամներին խզել հարաբերությունները Իսրայելի հետ և այն անվանել գաղութատիրական տերություն։

Սպասվում է, որ հարավաֆրիկյան խորհրդարանականները կնվազեցնեն դիվանագիտական ​​հարաբերությունների մակարդակը՝ պաղեստինցիների հետ Իսրայելի վատ պահվածքի պատճառով։

Դա տեղի է ունեցել այն բանից հետո, երբ Աֆրիկյան միության 55 անդամները կոչ են արել միության անդամներին խզել հարաբերությունները Իսրայելի հետ՝ այն անվանելով գաղութատիրական տերություն։

Աֆրիկյան միության բանաձևում ասված է.«Անդամ երկրները չպետք է ճանաչեն Իսրայելի անօրինական իրավիճակը, որը ստեղծվել է օկուպացված Պաղեստինում և արաբական տարածքներում, այդ թվում՝ Ղոդս (օկուպացված) քաղաքի արևելքում, և հանգեցրել է գաղութատիրական և ռասիստական ​​համակարգի ստեղծման։

Էթեմադ

Մեդվեդև. Եթե պարտվենք, կտոր-կտոր կլինենք. Պետք լինի մինչև Լեհաստան առաջ կգնանք

ՌԴ Անվտանգության խորհրդի տեղակալը խոստացել է, որ իր երկիրը հաղթել է Ուկրաինայի պատերազմում և վտանգներին դիմակայելու համար գնալու են մինչև Լեհաստան։ Նա նաեւ ասել է, որ եթե Ռուսաստանը տապալվի, այն կմասնատվի։

ՌԴ Անվտանգության խորհրդի տեղակալ Դմիտրի Մեդվեդևը խոստացել է, որ իր երկիրը հաղթել է Ուկրաինայի պատերազմում և գնալու է մինչև Լեհաստան՝ վտանգների դեմ պայքարելու համար։ Նա նաեւ ասել է, որ եթե Ռուսաստանը տապալվի, այն կմասնատվի։

Ջավան

Ամիրաբդոլլահյանը կմեկնի Մոսկվա

Ռուսական լրատվամիջոցներից մեկը, վկայակոչելով մեր երկրի ԱԳՆ խոսնակին, հայտնել է, որ Ամիր Աբդոլլահյանը շուտով կմեկնի Մոսկվա։

Sputnik-ի հետ զրույցում Իրանի ԱԳՆ խոսնակ Նասեր Քանանին հայտարարեց, որ Իրանի արտգործնախարար Հոսեյն Ամիր Աբդոլլահյանը շուտով կմեկնի Մոսկվա։

Նա ասել է, որ Թեհրանը և Մոսկվան կարող են կարևոր դեր խաղալ համաշխարհային էներգետիկ շուկայում հավասարակշռություն ստեղծելու գործում։

Քանանին շեշտել է, որ ուկրաինական ճգնաժամի առնչությամբ Իրանի դեմ արևմտյան կողմերի մեղադրանքները քաղաքական դրդապատճառներ ունեն։

Ըստ այս հաղորդման՝ որոշ արևմտյան կողմեր ​​ավելի վաղ Իրանին մեղադրել էին Ուկրաինայի դեմ պատերազմում օգտագործելու համար դեպի Ռուսաստան զենք և անօդաչու թռչող սարքեր ուղարկելու մեջ, ինչը մեր երկրի իշխանությունները մերժել էին։

Իրան

Յոաֆ Գալանտ. Մենք կշարունակենք սպանել պաղեստինցիներին

Սիոնիստական ​​ծայրահեղական ռեժիմի պատերազմի նախարար Յոաֆ Գալանտը հինգշաբթի գիշեր սպառնացել է պաղեստինյան ժողովրդին, որ կշարունակի սպանել զինված պաղեստինցիներին։

Գալանտը, ով խոսեց օկուպացիոն բանակի քաղաքականության մասին, որը վերաբերում է իր կոչած «զինված պաղեստինցիներին», հավելեց.«Իսրայելի բանակը և անվտանգության ուժերը կվարվեն այս զինված մարդկանց և նրանց դիսպետչերների հետ ամենադաժան միջոցներով»:

armenpress.am

ԱՄՆ դեսպանը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին

Հայաստանում Ամերիկայի Միացյալ Նահանգների դեսպան Քրիստինա Քվինը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին: «Արմենպրես»-ի փոխանցմամբ՝ այս մասին հայտնեցին ՀՀ-ում ԱՄՆ դեսպանությունից: 

«Դեսպան Քվինը ծաղիկներ դրեց Ծիծեռնակաբերդի ցեղասպանության հուշահամալիրում՝ հարգանքի տուրք մատուցելով Հայոց ցեղասպանության զոհերին»,- ասված է դեսպանության տարածած հաղորդագրության մեջ:

Դեսպանը նաև շրջայց է կատարել Ցեղասպանության թանգարանում, որի հուշամատյանում արել է հետևյալ գրառումը. «Մենք բոլորս պետք է հիշենք Հայոց ցեղասպանության զոհերի մասին, որպեսզի հարգանքի տուրք մատուցենք այն անձանց հիշատակին, որոնք հետապնդվել են և երաշխավորենք, որ այդպիսի ոճրագործություններն այլևս չեն կրկնվի»:

armenpress.am

Արցախի անկախության միջազգային ճանաչումը միջոց է կանգնեցնելու Արցախի ժողովրդի իրավունքների խախտումները. Արցախի ԱԳ նախարար

Արցախի միջազգային իրավական ճանաչումը միշտ եղել և շարունակում է արդիական մնալ Արցախի արտաքին քաղաքականության առաջնահերթությունների շարքում:

«Արմենպրես»-ի հաղորդմամաբ՝ այս մասին փետրվարի 24-ին «Արցախի Հանրապետության միջազգային ճանաչման հրամայականը» խորագրով գիտագործնական համաժողովում իր ելույթում հայտարարեց Արցախի արտաքին գործերի նախարար Սերգեյ Ղազարյանը:

Նրա խոսքով՝ Արցախի միջազգային ճանաչման հիմքերը իրավական, քաղաքական, պատմական տեսանկյունից ավելի քան բավարար են. «Արցախի ինքնորոշման և անկախության անցած ճանապարհը լիովին համապատասխանում է թե՛ միջազգային իրավունքի, թե՛ ԽՍՀՄ-ի ժամանակ գործող իրավական նորմերին: 32 տարի առաջ Հանրապետության հռչակումը միակ միջոցն էր՝ ապահովելու Արցախի ժողովրդի գոյությունը: 1991-ի դեկտեմբերի 10-ին էլ Արցախի ժողովուրդն իրացրել է իր ինքնորոշման իրավունքը: Հետագայում Ադրբեջանը, փորձելով բռնի ուժով ճնշել Արցախի ժողովրդի ինքնորոշման իրավունքը, երեք անգամ դիմել է հակամարտության ուժային լուծման՝ այդպիսով խախտելով միջազգային  իրավունքի և ՄԱԿ-ի կանոնադրության պահանջները»,- ասաց Սերգեյ Ղազարյանը:

Նա ընդգծեց, որ նույնիսկ  հարաբերական խաղաղության շրջանում  Ադրբեջանը հետևողականորեն վարել է էթնիկ ատելություն բորբոքող և խտրականության քաղաքականություն:

Նախարարը շեշտեց, որ Արցախի և նրա 120 հազար բնակչության՝ ավելի քան 70 օր շարունակվող շրջափակումը Ադրբեջանի կողմից իրականացվող էթնիկ զտման քաղաքականության հերթական  օրինակն է:

news.am

Կիեւն այդպես էլ ապացույցներ չներկայացրեց Թեհրանի կողմից ՌԴ-ին սպառազինություն մատակարարելու վերաբերյալ

Ուկրաինան եւ մյուս երկրները, որոնք պնդում են, թե իբր Իրանը սպառազինություն է մատակարարել Մոսկվային, մինչ այժմ ապացույցներ չեն ներկայացրել, ՌԻԱ Նովոստիին տված հարցազրույցում ասել է Իրանի ԱԳՆ պաշտոնական ներկայացուցիչ Նասեր Կանաանին։

«Մեղադրողները եւ նրանք, ովքեր պնդում են, որ Իրանը հակամարտության կողմերից մեկին աջակցում է սպառազինությունով, մինչ այս պահը ոչ մի համոզիչ ապացույց եւ փաստաթուղթ չեն ներկայացրել։ Այդ փաստաթղթերը չեն ներկայացվել անգամ  Իրանից եւ Ուկրաինայից տեխնիկական մասնագետների հանձնաժողովի համատեղ նիստին, որն անցկացվել է 2022 թվականի նոյեմբերին Օմանում», -ասել է Կանաանին։

aravot.am

«Ձեռնոց նետեք Ադրբեջանին․ եթե ուզում է սովետական քարտեզներով հարց լուծել, թող վերականգնի ԼՂԻՄ-ի տարածքը»․ Վարդան Օսկանյան

«Ադրբեջանն այսօր ամեն ինչում է իր կամքը պարտադրում, բանակցային օրակարգը եւս։ Բանակցություններում չկա հայկական օրակարգ։ Այլընտրանքը հետեւյալն է․ փաստաթուղթ չստորագրելու այլընտրանքը այն չստորագրելն է։ ՀՀ իշխանությունն այդ հնարավորությունն ունի։ Առանց ագրեսիվ լինելու՝ կարելի է դնել Շուշիի եւ Հադրութի խնդիրը, գերիների վերադարձի հարցը, ԼՂ կարգավիճակի խնդիրը, Ադրբեջանի ուժերի դուրսբերումը ՀՀ տարածքներից։ Կարելի է ստեղծել մի փաթեթ, որի շուրջ հնարավոր կլինի բանակցել։ Դրանք մեր նվազագույն իրավունքներն են»,- «Արցախի հանրապետության միջազգային ճանաչման հրամայականը» խորագրով գիտագործնական համաժողովի ժամանակ այսօր հայտարարեց ՀՀ ԱԳ նախկին նախարար Վարդան Օսկանյանը։

Նա նշեց․ «Տարօրինակ գուցե հնչի, բայց այս իշխանությունն ավելի լայն հնարավորություններ ունի, քան նախորդները։ Եթե այս իշխանությունը հոգեբանորեն պատրաստ է Արցախը տեսնել Ադրբեջանի կազմում, ապա դա էապես մեծացնում է հնարավորությունները միջազգային հարաբերություններում։ Առաջարկում եմ ավելի համարձակ լինել իրավական դաշտում։ Կարելի է եւ պետք է ձեռնոց նետել Ադրբեջանին։ Եթե ուզում է սովետական քարտեզներով մեր հետ հարց լուծել, թող վերականգնի ԼՂԻՄ-ի տարածքը՝ Շուշիով ու Հադրութով»։ Վարդան Օսկանյանի խոսքով՝ իշխանությունը պետք է նաեւ համարձակություն ունենա ԼՂ կարգավիճակի հարցը քննարկել միջազգային դատարանում, որովհետեւ հայկական կողմի հիմնավորումներն ուժեղ են․ «Միջազգային դատարանը կարող է քաղաքական որոշում կայացնել։ Մենք դրա կարիքը նախկինում չունեինք, որովհետեւ հաղթողի դիրքում էինք, իսկ Արցախն անկախ էր, ու սեղանին ունեինք փաստաթուղթ, որը մեզ տալու էր ամբողջական ինքնորոշում։ Ձեռնոց նետեք։ Այս պահին որեւէ փաստաթուղթ չի կարելի ստորագրել եւ թույլ տալ, որ Ադրբեջանը «որսա» արցախյան ոսկե ձկնիկը։ Անկախությունից ի վեր մեր պետականությունը խարսխվել է հինգ հիմնասյան վրա՝ Արցախ, բանակ, սահմանադրություն, եկեղեցի, սփյուռք։ Հինգն էլ այսօր խարխլված են, իսկ Արցախի հենասյունն ամբողջական փլուզման տակ է։ Ներսում պետք է համախմբվել եւ իսկական դիմադրություն ցույց տալ իշխանությանը, որպեսզի չստորագրի մի բան, որը կվտանգի Արցախը»։

news.am

Կարմիր խաչի ուղեկցությամբ 9 բուժառու Արցախից տեղափոխվել է Հայաստան

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով Արցախի առողջապահության նախարարության «Հանրապետական բժշկական կենտրոն» ՓԲԸ-ից ուռուցքային հիվանդություններով և շտապ վիրահատական միջամտություններ պահանջող ախտաբանությամբ 9 անձ այսօր՝ փետրվարի 24-ին, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։ Այս մասին NEWS.am-ը տեղեկանում է Արցախի ԱՆ-ից:

9 բուժառուներ, ովքեր պետական պատվերի շրջանակներում ուղեգրվել են ՀՀ բուժում ստանալու համար, ուղեկցողների հետ վերադարձել են Արցախ։

Արցախի առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։

«Արևիկ» բուժմիավորումում 5 երեխա գտնվում է նորածնային և վերակենդանացման բաժանմունքներում:

«Հանրապետական բժշկական կենտրոն» ՓԲԸ-ում 6 բուժառու գտնվում է վերակենդանացման բաժանմունքում, որոնցից 3-ը ծայրահեղ ծանր վիճակում է։

Մինչ այսօր Կարմիր խաչի միջազգային կոմիտեի միջնորդությամբ և ուղեկցությամբ Արցախից Հայաստան է տեղափոխվել ընդհանուր 122 հիվանդ։