Մամուլի տեսություն 24-08-2018

Գերմանիայի կանցլեր Անգելա Մերկելը Հարավային Կովկաս կատարած ուղևորության առաջին օրը հինգշաբթի երեկոյան Վրաստանի մայրաքաղաք Թբիլիսիի միջազգային օդանավակայան ժամանեց:

ԻՌՆԱ

Մերկելի Հարավային Կովկաս կատարած այցի նպատակները

Գերմանիայի կանցլեր Անգելա Մերկելը Հարավային Կովկաս կատարած ուղևորության առաջին օրը հինգշաբթի երեկոյան Վրաստանի մայրաքաղաք Թբիլիսիի միջազգային օդանավակայան ժամանեց:

Եռօրյա այցի շրջանակներում Մերկելը Վրաստանից հետո կուղևորվի նախ Հայաստան և ապա Ադրբեջան:

Գերմանիայի կանցլերին Թբիլիսիի օդանավակայանում դիմավորեցին Վրաստանի ԱԳ նախարար Դեյվիդ Զալքալիանին և Գերմանիայում Վրաստանի դեսպան Էլգոյա Խոքրիշվիլին:

Մերկելը հանդիպում կունենա Վրաստանի վարչապետ Մամո Բախաձեի և նախագահ Գիորգի Մարգվելաշվիլիի հետ:

Հաղորդումների համաձայն Մերկելն այս այցի ընթացքում հանդիպում ու զրույց կունենա նաև Հայաստանի ու Ադրբեջանի ղեկավարների հետ:

Գերմանիայի կառավարությունը հետաքրքրված է Հարավային Կովկասի տարածաշրջանի երեք երկրներ Վրաստանի, Հայաստանի ու Ադրբեջանի հետ քաղաքական ու տնտեսական հարաբերությունների ընդլայնման հանդեպ:

Մերկելի բանակցությունների օրակարգում է գտնվում գազի հարավային միջանցքի ընդլայնումը և Բաքու կատարելից այցի ընթացքում քննարկվելու է Թուրքիայի տարածքով Ադրբեջանի գազի Եվրոպա փոխադրվելու հարցը:

Իր գազի ապահովման աղբյուրների դիվերսիֆիկացման նպատակով Գերմանիան հետաքրքրություն է ցուցաբերում գազի փոխադրման այս ուղղությամբ հանդեպ:

Գերմանացի մի պաշտոնատար հայտարարել է, որ մենք խիստ հետաքրքրված ենք գազի փոխադրման հարավային գազատարի ընդլայնմամբ, ինչը համարվում է տարբեր տարածքներից գազի ապահովումը հեշտացնելու և Ռուսաստանի գազին կախվածությունը նվազեցնելու ԵՄ-ի ռազմավարության մեկ բաժինը:

Ադրբեջանի բնական գազը Եվրոպա փոխադրող Հարավային գազատարի բացումը կատարվեց մի քանի ամիս առաջ:

Հարավային գազատար խողովակագիծն Ադրբեջանի բնական գազը Եվրոպա փոխադրելու համար կարևոր ուղղություն է, որի կառուցման համար Ադրբեջանի նախագահի ընդգծմամբ մինչ օրս 40 միլիարդ դոլար ներդրում է կատարվել:

Մերկելի այցի շրջանակներում նաև քննարկվելու է Վրաստանի ու ԵՄ-ի միջև վիզայի ռեժիմի չեղարկման հարցը:

ԵՄ-ն 2017 թվականի մարտից գործադրման է հանձնել վրացի քաղաքացիների ԵՄ անդամ երկրներ կատարվող 90-օրյա ուղևորության համար վիզայի ռեժիմի չեղարկումը: Իհարկե  ԵՄ-ի անդամ երկրներում աշխատելու և կամ ուսանելու համար Վրաստանի քաղաքացիները պարտավոր են վիզա ստանալ:

Վրաստանի քաղաքացիների համար ԵՄ-ի վիզային ռեժիմի չեղարկումը տհաճ հետևանքներ է ունեցել և հավելում են կրել ԵՄ անդամ երկրներից ապաստանություն խնդրողների թիվը: Այս կապակցությամբ իրենց մտահոգությունն են հայտնել Գերմանիան, Ֆրանսիան, Շվեյցարիան ու Իսլանդիան:

Դա ի տես այն բանի, որ Գերմանիայի կառավարությունը օրենքի նախագիծ մշակելով Վրաստանի անունը տեղավորել է անվտանգ երկրների ցուցակում, սակայն այդ մասին վերջնական որոշում պիտի ընդունի Գերմանիայի խորհրդարանը:

Միգրացիայի միջազգային կազմակերպության վիճակագրական տվյալների համաձայն ընթացիկ տարում 2500 վրացի քաղաքացիներ Գերմանիայի, 490 քաղաքացիներ Շվեյցարիայի, իսկ 471 քաղաքացիներ Բելգիայի կառավարություններին ապաստանության դիմում են ներկայացրել:

Նախատեսվում է, որ Գերմանիայի կանցլերը Թբիլիսի կատարած այցի ժամանակ նաև քննարկի Վրաստանի քաղաքացիների ապաստանության դիմումները կանխելու ուղիները:

Մեհր

Ինձ իմպիչմենտի ենթարկեք, որ Ամերիկան աղքատանա. Թրամփ

ԱՄՆ նախագահը դեմոկրատականներին հորդորում է հրաժարվել իրեն իմպիչմենտի ենթարկելու մտքից, քանի որ դրա միակ արդյունքը լինելու է շուկայի անկումը և ԱՄՆ-ի ժողովրդի գործազրկությունն ու աղքատությունը:

Թրամփն այս հավակնությունը կատարել է արձագանքելով այն դեմոկրատականներին, ովքեր հայտարարել են, որ եթե նոյեմբերին կայանալիք միջնստաշրջանային ընտրություններում իրենց ձեռքն առնեն Ներկայացուցիչների տան և Սենատի վերահսկողությունը նրան իմպիչմենտի կենթարկեն:

Այս կապակցությամբ Թրամփը «Ֆաքս Նյուզ»-ի հաղորդավարին ասել է. «Չգիտեմ ինչպե՞ս կարելի է իմպիչմենտի ենթարկել մեկին, որ փայլուն վկայական է ունեցել: Եթե մի օր իմպիչմենտի ենթարկվեմ կարծում եմ, որ շուկան անկում կարձանագրի և բոլորը կաղքատանան»:

Նա ապա մատնացույց անելով իր գլուխն ասել է. «Առանց այս մտածողության գործազրկության այնպիսի թվերի էիք հանդիպելու, որի մասին չէք կարող երևակայել: Եթե իմ փոխարեն Հիլարի Քլինթոնը նախագահ ընտրված լիներ աշխատատեղերի ստեղծման տեսակետից երկիրն այսօրվա դիրքում կանգնած չէր լինի»:

ԱՄՆ նախագահի նախկին փաստաբան Մայքըլ Քոհենը երեքշաբթի օրը հաստատեց, որ նրա կարգադրությամբ նրա նախկին սիրուհիներին լռության դիմաց գումար է վճարել: Թրամփը նաև մեղադրվում է ընտրարշավի ժամանակ ֆինանսական չարաշահումներ կատարելու մեջ:

Թրամփը մերժելով այդ մեղադրանքն ասել է, որ գումարը վճարվել է ոչ թե ընտրական շտաբի ֆինանսական հաշիվներից, այլ իր սեփական գումարներից:

Հրապարակ

Ադրբեջանի՝ ՀԱՊԿ անդամակցության առաջ կանաչ լույս է վառվում. Խաչատուրովը կարող էր կասեցնել գործընթացը

«Հրապարակ» թերթը գրում է. «Օրերս ՀԱՊԿ-ում քննարկվել է մասնակիցների կազմն ընդլայնելու հարցը: Մասնավորապես, դիտորդի կարգավիճակի մասին փաստաթղթերի փաթեթն է ներկայացվել։ Սա նշանակում է, որ առաջիկայում լրջորեն քննարկվելու է Ադրբեջանի՝ ՀԱՊԿ դիտորդ անդամ դառնալու հարցը, ինչը բավականին վտանգավոր է Արցախի հարցի լուծման առումով։

Մեր տեղեկություններով, այս հարցում կարող էր որոշակի դեր կատարել և գործընթացը կասեցնել ՀԱՊԿ գլխավոր քարտուղար Յուրի Խաչատուրովը, սակայն Հայաստանում նրա դեմ հարուցված քրեական գործը մի կողմից թուլացրել է նրա դիրքերը ՀԱՊԿ-ում, մյուս կողմից նա արդեն ճամպրուկային է տրամադրված և առանձնապես ջանքեր գործադրելու տրամադրություն էլ չունի, ուստի Ադրբեջանի անդամակցության առաջ, կարելի է ասել, կանաչ լույս է վառվում»։

Արմենիա Սպուտնիկ

ԱՄՆ պետդեպը չի բացառում պատժամիջոցների կիրառումը C-400 համակարգեր գնող երկրների նկատմամբ

Միացյալ Նահանգները բացահայտ դեմ է, որ դաշնակիցներն ու գործընկերները ռուսական C-400 համակարգեր ձեռք բերեն։

Ռուսաստանի հետ Թուրքիայի գործարքը` C-400 զենիթահրթիռային համալիրներ ձեռք բերելու վերաբերյալ, հակասում է ՆԱՏՕ-ի սկզբունքներին։ ՌԻԱ Նովոստին հայտնում է, որ ավանդական դարձած ճեպազրույցի ժամանակ այս մասին ասել է Միացյալ Նահանգների պետքարտուղարության մամուլի խոսնակ Հիզեր Նոյերթը։

 «Մենք դեմ ենք, որ աշխարհի տարբեր մասերում գտնվող մեր գործընկերներն ու դաշնակիցները C-400 համալիրներ գնեն», — ընդգծել է Նոյերթը։

Նա ուղիղ չի պատասխանել այն հարցին, թե արդյոք պատժամիջոցներ կսահմանվեն C-400 համալիրներ գնող նաև այլ պետությունների նկատմամբ։ Սակայն նշել է, որ ԱՄՆ հստակ ցույց է տվել աշխարհի բոլոր երկրներին, որ կարող է պատժամիջոցներ կիրառել։

Հիշեցնենք, որ 2016 թվականի նոյեմբերին հայտնի դարձավ ռուսական С-400-ի վերաբերյալ Անկարայի և Մոսկվայի միջև տարվող բանակցությունների մասին։ Ռուսաստանը 2017 թվականի սեպտեմբերին հաստատեց պայմանագրի կնքումը։

ԱՄՆ-ն և ՆԱՏՕ-ն փորձում են կանխել գնումները և սպառնում խիստ պատժամիջոցներ սահմանել։