Մոսկվան պատժամիջոցներ է կիրառել Միացյալ Նահանգների դեմ
Ռուսաստանի ԱԳ նախարարը հայտարարել է, որ Մոսկվան կարտաքսի ամերիկացի 10 դիվանագետների և պատժամիջոցներ կկիրառի ութ պաշտոնյաների նկատմամբ:
Իրանի պետական ռադիոհեռուստատեսության լրատվական գործակալության հաղորդման համաձայն, Ռուսաստանն այս որոշումը կայացրել է ի պատասխան ԱՄՆ-ի կողմից ռուսական մի քանի կազմակերպությունների և մի խումբ քաղաքացիների նկատմամբ կիրառած պատժամիջոցների:
Ռուսաստանի արտգործնախարարը հավելել է, որ Կրեմլն ԱՄՆ դեսպանին խնդրել է հեռանալ Մոսկվայից՝ իր կառավարության հետ խորհրդակցելու համար:
Սերգեյ Լավրովը հավելել է. «Մենք դեռ քննարկում ենք Պուտինի և Բայդենի հանդիպման հնարավորության տարբեր ասպեկտներ, և մենք դրական ենք վերաբերվում այդ ծրագրին»:
ԱՄՆ կառավարությունը հինգշաբթի նոր պատժամիջոցներ սահմանեց Ռուսաստանի 32 ֆիզիկական անձանց և կառույցների դեմ, այդ երկրի նախագահական ընտրություններին միջամտելու և երկրի դեմ կիբեր հարձակման պատրվակով: Պատժամիջոցներն ուժի մեջ կմտնեն 2021 թ. հունիսի 14-ին: Դրանցում ներառված են նաև տեխնոլոգիական ոլորտում գործող վեց ռուսական ընկերություններ:
