Ռուս երիտասարդների շրջանում պարսկերեն սովորելու ցանկությունը մեծացել է
Ռուսաստանի մայրաքաղաք Մոսկվայի պետական համալսարանի Ասիայի և Աֆրիկայի երկրների ինստիտուտի պարսից լեզվի և գրականության ամբիոնի վարիչն ասել է, որ Թեհրան-Մոսկվա հարաբերությունների վերջին տարիների զարգացմանը զուգընթաց, ռուս երիտասարդների մոտ մեծացել է պարսկերեն սովորելու ցանկությունն ու մոտիվացիան:
Մոսկվայի պետական համալսարանի Ասիայի և Աֆրիկայի երկրների ինստիտուտի պարսից լեզվի և գրականության ամբիոնի վարիչ Վլադիմիր Իվանովն այսօր IRNA-ին տված հարցազրույցում հայտարարել է, որ ներկայումս Ռուսաստանի 20 համալսարանում դասավանդվում է պարսից լեզու և գրականություն և Իրանի պատմություն:
Նշելով,որ այս գիտական կենտրոնում պարսկերեն լեզու և գրականություն է դասավանդվում բակալավրիատի, մագիստրատուրայի և դոկտորանտուրայի մակարդակներում Վլադիմիր Իվանովն ասել է,-«Փորձ է արվում, որպեսզի պարսկերենի դոկտորանտուրայի շրջանավարտները իրենց գիտելիքները փոխանցեն նորամուտ ուսանողներին»։
Վլադիմիր Իվանովը ողջունել է Թեհրանի և Մոսկվայի միջև գրական կամուրջ ստեղծելու և Իրանի ու Ռուսաստանի լեզվի ու գրականության պոտենցիալը երկկողմ հարաբերությունների ամրապնդմանը ծառայեցնելու գաղափարի ձևավորումը: Այս քայլը երկու երկրին ավելի կմոտեցնի միմյանց:
Թեհրանի և Մոսկվայի միջև գրական կամուրջ ստեղծելու գաղափարն ավելի վաղ առաջարկվել էր 2023 թվականին Մոսկվայում կայացած Իրանի և Ռուսաստանի առաջատար համալսարանների տնօրենների վեցերորդ հանդիպման ժամանակ։
