Իրան-ԵԱՏՄ մերձեցումը՝ նոր ուղի է տարածաշրջանային և համաշխարհային տնտեսության համար

ԵԱՏՄ-ի հետ Իրանի ռազմավարական համագործակցությունը նոր ուղի է բացել տարածաշրջանային և համաշխարհային առևտրի համար։

Pars Today-ի փոխանցմամբ՝ հանդիպմանը, որին մասնակցել են անդամ և դիտորդ պետությունների, այդ թվում՝ Իրանի վարչապետներն ու ղեկավարները, ընդգծվել է  Հյուսիս-Հարավ տրանսպորտային միջանցքի ամրապնդման և առևտրային համագործակցության ընդլայնման անհրաժեշտությունը։  
Մայիս ամսին Իրան-ԵԱՏՄ համաձայնագրի գործադրումը նշանակալի նվաճում է: Համաձայնագրի հիմամբ ապրանքների 87 տոկոսի համար մաքատուրքերը զրոյացվել ե։ ՌԴ փոխվարչապետ Ալեքսեյ Օրչուկը հայտարարել է, որ համաձայնագրի գործադրումից հետո,  Թեհրանի և Մոսկվայի միջև առևտրաշրջանառությունն աճել է 35 տոկոսով։

Ռազմավարական դիրքի և բաց ջրերին հասանելիության շնորհիվ, Իրանը Հյուսիս-Հարավ միջանցքի համար կենսական կարևոր օղակ է դեպի Հնդկաստան: Այս միջանցքի զարգացումը ոչ միայն կնվազեցնի տրանսպորտային ծախսերը, այլև կբարձրացնի Կենտրոնական Ասիայի և Հնդկական օվկիանոսի միջև առևտրային փոխանակումների արագությունը։

Այս մերձեցումը ձևավորվում է, քանի որ տարածաշրջանային երկրները ձգտում են նվազեցնել  կախվածությունն արևմտյան ֆինանսական համակարգից և ընդլայնել բազմակողմ տնտեսական հարաբերությունները: ԵԱՏՄ-ի հետ Իրանի համագործակցությունը կարող է ծառայել որպես մոդել տարածաշրջանի մյուս երկրների համար՝ տնտեսական ինքնիշխանությունն ամրապնդելու և ոչ արևմտյան երկրների հետ հարաբերությունները զարգացնելու համար։

Ապագա համագործակցության հեռանկարները ներառում են թվային առևտրի, ծովային տրանսպորտի և հալալ առևտրի զարգացումը, ինչը կարող է Իրանը վերածել տարածաշրջանային առևտրային կենտրոնի: Այս համագործակցությունները ոչ միայն կակտիվացնեն Իրանի տնտեսական ներուժը, այլև դեր կխաղան տարածաշրջանային և համաշխարհային նոր տնտեսական ճարտարապետության ձևավորման գործում: