Պառակտում Թրամփի քաղաքական թևում. Ավետարանական քրիստոնյաները կողմ չեն Իրանի դեմ պատերազմին

Ամերիկացի ավետարանական քրիստոնյաների ավելի քան կեսը, որոնք Դոնալդ Թրամփի քաղաքական թևի կարևոր մասն են կազմում, դեմ են արտահայտվել նրա վարչակազմի մոտեցմանը Իրանի դեմ պատերազմի հարցում:

Հարցումների համաձայն, ավետարանականների 54 տոկոսը կարծում է, որ Թրամփի քաղաքականությունն այս հարցում անհամատեղելի է քրիստոնեական ուսմունքների իրենց ընկալման հետ: Թրամփի ժողովրդականությունն այս խմբի շրջանում օգոստոսի 61 տոկոսից նվազել է մինչև 52 տոկոս:

Pars Today-ի տվյալներով՝ Իրանի դեմ ԱՄՆ պատերազմի հետևանքները, այդ թվում՝ քաղաքացիական բնակչության շրջանում զոհերի և տնտեսական ծախսերի աճի դեմ ուղղված քննադատությունները, մասնավորապես՝ բենզինի գների բարձրացումը, ազդել են ԱՄՆ-ի հասարակական կարծիքի վրա: Վերլուծաբանները կարծում են, որ որոշ ավետարանականների շրջանում աջակցության անկումը կարող է լինել Թրամփի ամենակարևոր քաղաքական հենասյուներից մեկի աստիճանական թուլացման նշան: Եթե պատերազմ հրահրող մոտեցումները շարունակվեն, հնարավոր է, որ ԱՄՆ նախագահի ժողովրդականությունը իր ավանդական կողմնակիցների շրջանում շարունակի նվազել: