Եվրամիությունն ընթացք չի տա ԱՄՆ-ի անօրինական պահանջներին
Իրանում Դանիայի դեսպանը քննադատել է Համատեղ գործողությունների համապարփակ ծրագրի վերաբերյալ ԱՄՆ նախագահ Դոնալդ Թրամփի դիրքորոշումը: «Եվրամիության անդամ երկրներն ընթացք չեն տալու ԱՄՆ-ի անօրինական պահանջներին», ընդգծել է դեսպանը:
Այսօր Իրանի հարավային Հորմոզգան նահանգի նահանգապետ Ֆերեյդուն Հեմաթիի հետ հանդիպման ժամանակ, Իրանում Դանիայի դեսպան Դեննի Աննանը նշել է.«Դանիայի կառավարությունը կաջակցի Համատեղ գործողությունների համապարփակ ծրագրի պահպանմանը»:
Խոսելով Իրան-Դանիա տնտեսական հնարավորությունների մասին, Աննանը հավելել է.«Դանիայի արտադրական և արդյունաբերական ընկերությունները պատրաստ են ներդրում կատարել Հորմոզգան նահանգի նավաշինության ու ձկնաբուծության ոլորտներում»:
Հանդիպման ժամանակ Հորմոզգանի նահանգապետ Ֆերեյդուն Հեմաթին ասել է.«Իրան-Դանիա հարաբերություններում ձկնորսության ու ծովային զբոսաշրջության ոլորտներում համագործակցության նախադրյալներ կան»:
