Թրամփը քննարկում է 20 ռուս դիվանագետների արտաքսման հարցը
Հղում անելով Վաշինգտոնի և Եվրոպայի պաշտոնյաներին, Washington post օրաթերթը գրել է, որ ԱՄՆ նախագահն ամենայն հավանականությամբ մոտ ապագայում կվտարի մի խումբ ռուս դիվանագետների:
Վկայակոչելով ամերիկյան օրաթերթը, ԻՌՆԱ գործակալությունը հաղորդել է , որ այդ քայլի մասին հայտարարվելու է երկուշաբթի օրը և չի բացառվում, որ Ռուսաստանն այդ որոշմանը համապատասխան քայլերով է պատասխանելու ՝ Մոսկվայից հեռացնելով ամերիկացի դիվանագետների:
Որոշումն իրականացվելու է ի պատասխան Բրիտանիայում ռուս լրտես Սերգեյ Սկրիպալի թունավորման դեպքի:
ԱՄՆ պետքարտուղարության խոսնակ Հիթեր Նոերտն ասել է «ԱՄՆ-ը քննարկում է Բրիտանիայում Ռուսաստանի ցնցող քայլերին պատասխանելու տարբերակները»:
Նա այդ կապակցությամբ մանրամասներ չի փոխանցել:
Ամերիկացի դիվանագետն ասել է, որ ԱՄՆ-ը քննարկում է ռուս դիվանագետների վտարման հարցը: Նա ի դեպ հավաստիացրել է, որ ԱՄն դաշնակիցները Թրամփի կառավարությունից պահանջել են խորհրդանշական քայլի դիմելով, ցույց տալ , որ Սկրիպալին սպանելու փորձն անպատասխան չի մնալու:
