Բողոքարարները գրավել են ԱՄՆ Սենատի շենքը.ձերբակալվել է 575 մարդ
ԱՄՆ հարյուրավոր հասարակական ակտիվիստներ հինգշաբթի օրը քննադատելով անօրինական էմիգրանտների նկատմամբ ԱՄՆ նախագահ Դոնալդ Թրամփի վարած «Զրոյական հանդուրժողոականություն» քաղաքականությունը կարգախոսներ են վանկարկել նրա դեմ: Նրանք գրավել են ԱՄՆ Սենատի Հարթի մասնաշենքը:
ՄԵՀՐ լրատվական գործակալության հաղորդման համաձայն՝ բողոքարարները ,որոնց մեծ մասը կանայք են, Վաշինգտոնում գտնվող Հարթի մասնաշենքում նստացույց են անցկացրել և կարգախոսներ են վանկարկել Թրամփի քաղաքականությունների դեմ:
Այդ ակցիայից քիչ անց ,ԱՄՆ ոստիկանությունը ձերբակալել է 575 բողոքարարների:
Ձերբակալվածների շարքում է գտնվում ԱՄՆ Ներկայացուցիչների պալատի դեմոկրատական անդամ՝ Փրամիլա Ջայափալը, ով ներկայացնում է Վաշինգտոն նահանգը:
Փրամիլա Ջայափալը մասնակցել է Սենատի շենքում տեղի ունեցած բողոքի ակցիային, որովհետև նա դեմ է եղել էմիգրանտների վերաբերյալ Թրամփի բռնի քաղաքականությանը: Այս մասին ասված է ԱՄՆ-ի Կոնգրեսի հիշյալ ներկայացուցչի Թուիթերի էջում:
Այդ քաղաքականության շրջանակում , մոտ երկու հազար անչափահասներ անցած շաբաթ բաժանվեցին իրենց ծնողներից և բանտակվեցին ԱՄՆ- Մեքսիկա սահմանին գտնվող առանձին ճամբարներում:
