ԱՄՀ-ի նախազգուշացումը` ԱՄՆ-ի միակողմանի տնտեսական քաղաքականության հետևանքների կապակցությամբ
Արժույթի համաշխարհային հիմնադրամն ԱՄՆ-ի իշխանություններին կոչ է արել լուծել առևտրային գործընկերների հետ իր վեճերը, նախազգուշացնելով տնտեսական պատերազմի բացասական հետևանքների մասին:
Ֆրանսիայի պաշտոնական լրատվական գործակալության հաղորդման համաձայն, ԱՄՀ-ի տնօրենների խորհդրի անդամները հայտարարել են, որ առևտրային պատերազմը կարող է վտանգել համաշխարհային տնտեսկան աճը: Նրանք ԱՄՆ-ին կոչ են արել լուծել իր տարաձայնություններն այլ երկրների հետ և խուսափել միակողմանի տնտեսական քաղաքականությունից:
ԱՄՀ-ն հրապարակել է ԱՄՆ տնտեսության գնահատման ամենամյա զեկույցը, որում ասվում է. “Արժույթի միջազգահին հիմնադրամի ղեկավարները մտահոգություն են հայտնում ԱՄՆ-ի կողմից վերջերս կիրառվող առևտրային քաղաքականության կապակցությամբ, ինչը կարող է բացասական հետևանքներ ունենալ այդ երկրից դուրս և փլուզել բազմակողմանի տնտեսական համակարգը”:
