Հանուն գթած և ողորմած Ասծո Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս » հաղորդումը, Ղուրանի մատչելի մեկնաբանությամբ:

Ասրա սուրայի 34-րդ այա

وَلَا تَقْرَبُوا۟ مَالَ ٱلْیَتِیمِ إِلَّا بِٱلَّتِى هِىَ أَحْسَنُ حَتَّىٰ یَبْلُغَ أَشُدَّهُۥ ۚ وَأَوْفُوا۟ بِٱلْعَهْدِ ۖ إِنَّ ٱلْعَهْدَ کَانَ مَسْـُٔولًۭا

Ձեռք մի տվեք որբերի ունեցվածքին: Տարբեր է սակայն, եթե ցանկանում եք այն արդյունավորել: Մինչև որբերը չափահաս դառնան, հարգեք ձեր հանձնառությունները որովհետև ձեզանից հաշիվ է պահանջվելու:

Անցած հաղորդման ժամանակ խոսեցինք այն այաների մասին, որոնցում Աստված մարդկանց արգելում է կատարել սխալ արարքներ, ինչպես` սպանությունը և դավաճանությունը: Այս այան նախորդ այաների շարունակությունն է: Այն ասում է. մի յուրացրեք որբերի ունեցվածքը և այդ կապակցությամբ առևտուր մի արեք: Այան ասում է, որ այդ արարքը թույլատրելի է միայն այն ժամանակ, եթե դա օգուտ կբերի որբին: Իհարկե երբեմն անտեղի պահպանողականությունը գուցե վնասի որբ երեխայի շահերին: Այսինքն` եթե  չփորձենք այնպես անել, որ նրա ունեցվածքը շահույթ բերի նրան, երբ նա չափահաս դառնա հանձնենք նրան, կամ նրան չայցելենք, մտածելով, որ  խեղճ է: Դա իհարկե պատճառ կդանա, որ որբ երեխան մեկուսանա: Ուրեմն պետք է հարգելով որբի իրավունքները, պահպանել նրա հետ ընտանեկան կապերը:

Այս այայից սովորում ենք

1. Իսլամը որբերի ու զրկվածների իրավունքների պահապանն է և որբի նկատմամբ որևէ չարաշահում դրվել է սպանության ու շնանալու կողիքն:

2. Եթե որբերն ունեն ժառանգություն, նախքան չափահաս դառնալը, իրավունք չունեն  դրան տեր կանգնել:

Ասրա սուրայի 35-րդ այա

وَأَوْفُوا۟ ٱلْکَیْلَ إِذَا کِلْتُمْ وَزِنُوا۟ بِٱلْقِسْطَاسِ ٱلْمُسْتَقِیمِ ۚ ذَٰلِکَ خَیْرٌۭ وَأَحْسَنُ تَأْوِیلًۭا

Գրիվ անելիս,եղածն ամբողջությամբ տվեք : Ճշգրիտ կշեռքով կշռեք: Այս կերպ ավելի լավ է ձեզ համար և վերջն էլ բարի է լինելու

Այս այան խոսում է  հասարակության մեջ տնտեսական հարաբերությունների կարգավորման մասին: Այն ասում է. Բրինձ կամ ցորեն կշռելիս զգույշ եղեք, որպեսզի չթերակշռեք: Հատկանշական է, որ Ղուրանի տարբեր այաներում խոսվել է առևտրի ժամանակ մարդկանց իրավունքի մասին: Իսկ Ղուրանի ամենամեծ այան  հենց այդ մասին է: Պարզ է որ դեպի բարօրություն կարող է գնալ այն հասարակությունը, որի անդամների կյանքը հիմնված է առողջ հիմքերի վրա և որտեղ գոյություն չունեն կաշառակերություն, տնտեսական չարաշահումներ, դրամաշորթություն և այլն:

Այս այայից սովորում ենք

1. Ապրանքը կշռելիս և ֆինանսական հարցերում ուշադրությունը պատճառ է դառնում, որ մարդիկ ավելի մեծ բարիքներ ձեռք բերեն:

2.Պակաս կշռելը որևէ օգուտ չունի: Հակառակը` մարդը կորցնում է  իր հեղինակությունը և պատժվում հանդերձյալ կյանքում:

Ասրա սուրայի 36-րդ այա

وَلَا تَقْفُ مَا لَیْسَ لَکَ بِهِۦ عِلْمٌ ۚ إِنَّ ٱلسَّمْعَ وَٱلْبَصَرَ وَٱلْفُؤَادَ کُلُّ أُو۟لَٰٓئِکَ کَانَ عَنْهُ مَسْـُٔولًۭا

Մի հետևիր այն, ինչը չես հասկանում:Որովհետև հաշիվ ես տալու լսածի, տեսածի ու սրտի համար:

Մարդկային հասարակության ամենամեծ խնդիրներից մեկը և ընտանիքներում և հասարակության մեջ, դատելն է:  Նախապաշարումները, դյուրահավատությունն ու անտեղի լավատեսությունը ոչ մի օգուտ չեն ունենա, քանի որ դրանք հիմնված են այն սխալ ինֆորմացիայի վրա, որ մարդը լսել կամ տեսել է: Դա այն  դեպքում, երբ այն ինֆորմացիան որ մեզ փոխանցվել է անհիմն է և ուսումնասիրություններից հետո պարզվում է  որ ենթադրության արդյունքն է: Այս այան ասում է , որ այն, ինչ տեսնում ենք, ավելի արժեքավոր է, քան այն, ինչ  լսում ենք: Եթե իհարկե մեր հայացքը մակերեսային չլինի: Անհրաժեշտ է քննարկել այն, ինչ մենք տեսել ենք: Դժբախտաբար, երկերեսանի ու կեղծավոր մարդիկ հասարակության մեջ շատ են: Արտաքինից նրանք բարի մարդիկ են թվում ու կարող են խաբել դյուրահավատներին: Ուրեմն մարդը պետք է ունենա անհրաժեշտ ուշիմությունը, որպեսզի նման մարդկանց ճիրաններում չհայտնվի: Այս այան ասում է. Եթե այն ինչ լսում ու տեսնում եք հիմնված է գիտության ու վստահության վրա, ուրեմն կատարեք դա: Սակայն միայն տեսնելով ու լսելով որևէ քայլ մի կատարեք, որովհետև կրելու եք դրա հետևանքները:Մարդը պատասխանատու է ոչ միայն իր աչքերի ու ականջների այլ նաև իր մտքում եղածի համար: Շատ անգամ հնարավոր է, որ մարդը հայտնվի թյուրիմացության մեջ և այն վերացնելու փոխարեն ավելի խորացնի, չունենալով որևէ տրամաբանական պատճառ:

Այս այայից սովորում ենք

1. Կյանքում մարդու գործերի հիմքում պետք է լինեն բանականությունը և վստահությունը և ոչ թե միայն տեսածներն ու լսածները:

2. Ոչ միայն մարդու աչքերն ու ականջները, այլևս ողջ մարմինը պատասխանատու են մարդու գործերի նկատմամբ: Մարդը ողջ կյանքի ընթացքում պետք է պատասխան տա իր ասածների  ու արածների համար:

Աստված Ձեզ պահապան