Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Նամլ սուրահի 23 և 24-դ այաներ

إِنِّی وَجَدْتُ امْرَأَةً تَمْلِکُهُمْ وَأُوتِیَتْ مِنْ کُلِّ شَیْءٍ وَلَهَا عَرْشٌ عَظِیمٌ

وَجَدْتُهَا وَقَوْمَهَا یَسْجُدُونَ لِلشَّمْسِ مِنْ دُونِ اللَّهِ وَزَیَّنَ لَهُمُ الشَّیْطَانُ أَعْمَالَهُمْ فَصَدَّهُمْ عَنِ السَّبِیلِ فَهُمْ لَا یَهْتَدُونَ

Ես տեսա մի կնոջ, որն իշխում էր նրանց վրա: Նա ամեն ինչ ունի և ունի շքեղ գահ:

Ես տեսա, որ այդ կինը և իր ժողովուրդն Աստծու փոխարեն պաշտում են արևին: Սատանան նրանց համար այս արարքը հաճելի է  դարձրել: Նա նրանց մոլորեցրել է (ուղիղ) ճանապարհից, ու հիմա նրանք չեն առաջնորդվում:

Նախորդ հաղորդման ժամանակ ասացինք, որ երբ Սողոմոնը հավաքեց բոլոր թռչուններին, տեսավ որ հոպոպը չկա: Հոպոպի բացակայությունը երկար չշարունակվեց: Նա եկավ Սողոմոնի մոտ ու ասաց,- Ես գնացել էի  Սաբայի երկիր: Այնտեղ տեսա շատ բաներ, որոնց մասին դու տեղյակ չես: Ես դրանց մասին քեզ կտեղեկացնեմ:

Այս այաներն ասում են, որ այն տարածքում, որտեղ գնացել էր Հոպոպը, իշխում էր մի կին, ով ուներ մեծ պալատ ու մեծ հնարավորություններ: Լսելով այդ մասին, Սողոմոնը զարմացավ: հոպոպն ասաց,- Կարևորն այդ կնոջ թագն ու պալատը չեն: Կարևորը, որ դու, որպես Աստծու մարգարե, պետք է տեղյակ լինես, այն է, որ այդ շրջանի բնակիչներն արևապաշտ են ու մոլորված: Սատանան չարիքը նրանց համար գեղեցիկ է  ցույց տալիս, դրա համար նրանք դժվար թե ընդունեն ճշմարտությունը:

Այս սայաներից սովորում ենք.

1. Եթե մարդն ունի աստվածային բարիքները, դա չի նշանակում, որ նա լավ մարդ է: Սողոմոնը և Բելղեյսն ունեին հավասար հնարավորություններ: Սակայն մեկն Աստծու մարգարեն էր, մյուսն անհավատ թագուհի:

2. Մարդիկ հաճախ հետևում են այն ուսմունքին, որ իրենց ներկայացնում է  ղեկավարը: Այդ պատճառով, իշխանավորները մեծ դեր ունեն մարդկանց հավատքի հարցում:

Նամլ սուրահի 25 և 26-րդ այաներ

أَلَّا یَسْجُدُوا لِلَّهِ الَّذِی یُخْرِجُ الْخَبْءَ فِی السَّمَاوَاتِ وَالْأَرْضِ وَیَعْلَمُ مَا تُخْفُونَ وَمَا تُعْلِنُونَ

اللَّهُ لَا إِلَٰهَ إِلَّا هُوَ رَبُّ الْعَرْشِ الْعَظِیمِ

(Սատանան թույլ չի տալիս), որ նրանք պաշտեն այն Աստծուն, Ով ցույց  է տալիս այն ամենը, ինչը ծածկված է երկինքներում ու երկրի վրա, Ով ծանոթ է ձեր գաղտնիքներին, ինչպես նաև` հայտնիներին:

Միակ Աստծուց բացի այլ Աստված չկա: Նա գերագույն Վեհապետն է»:

Հոպոպն այնուհետև ասում է,- Չգիտեմ, թե ինչու են նրանք Աստծուն պաշտելու փոխարեն, որն ամենակարող ու ամենագետ է, արևին պաշտում: Հոպոպը մտածում է, որ նույնիսկ Սողոմոնը, որ Աստծու մարգարեն է  ու թագավոր, չպետք է պաշտամունքի  արժանանա, քանի որ օրինակ գիտի թե ինչ է տեղի ունենաում Սաբայում: Պետք է պաշտել միայն միակ Աստծուն, որն ամեն ինչ գիտի տիեզերքի մասին և եթե ցանկանա մեզ համար կարող է բացահայտել անտեսանելին:

Այս այայից սովորում ենք.

1. Պաշտամունքը եղել է տարբեր էակների էության մեջ: Ինչպես պատմության ընթացքում մարդը պաշտել է որոշ իրեր, կենդանիներ ու նույնիսկ որոշ մարդկանց:

2. Որոշ բնական երևույթներ, ինչպես արևն է, կարևոր դեր են կատարում կյանքում, սակայն նրանք իրենք իրենց չեն արարել: Ուրեմն պետք է պաշտել նրան, ով արարել է արևը և ոչ թե արևին, որին Աստված է արարել :

3. Սատանան վատ բաները լավ ցույց տալով, փորձում է այնպես անել, որ մարդիկ չպաշտեն Աստծուն:

4. Աստված ամենակարող է ու նրա աչքից ոչինչ չի վրիպում:

Նամլ սուրահի 27 և 28-րդ այաներ

قَالَ سَنَنْظُرُ أَصَدَقْتَ أَمْ کُنْتَ مِنَ الْکَاذِبِینَ

اذْهَبْ بِکِتَابِی هَٰذَا فَأَلْقِهْ إِلَیْهِمْ ثُمَّ تَوَلَّ عَنْهُمْ فَانْظُرْ مَاذَا یَرْجِعُونَ

(Սողոմոնն) ասաց. «Պետք  է տեսնենք`  արդյոք քո խոսքերը ճշմարի՞տ են, թե սուտ»:

Առ իմ նամակը և գցիր նրանց վրա, ապա վերադարձիր (ու մի կողմ քաշվիր) և սպասիր նրանց պատասխանին»:

Սողոմոնը, լսելով հոպոպին,  նրա բացակայությունը հարգելի է  համարում և որոշելով հոպոպի հայտնածի մասին ավելի շատ տեղեկանալ, մի նամակ է գրում և հոպոպին խնդրում այն հասցնել Սաբայի թագուհուն ու պատասխանը հետ բերել:

Պետք է ասել, որ մարգարեները մշտապես բոլորին հրավիրել են աստվածապաշտության: Պատմության մեջ ասվում է, որ իսլամի մարգարեն, Իրանի ու Հռոմի թագավորներին կոչ արեց ընդունել իսլամը:

Այս այաներից սովորում ենք.

1. Մարդկանց դեպի ճշմարիտ ուսմունքներ հրավիրելու ժամանակ, պետք է տարբեր հնարքներից օգտվել: Երբեմն կարելի է այդ գործն անել հռետորաբանությամբ, երբեմն՝ նամակով:

2. Յուրաքնաչյուր հայտարարություն չպետք է ընդունել միանգամից և պետք է այդ կապակցությամբ ուսումնասիրություն անել:

3. Նախքան ընդդիմադիրների վերաբերյալ որոշում կայացնելը, պետք է նրանց նախ առաջնորդել և այնուհետև համապատասխան քայլեր անել: