Лаңкестікке тосқауыл қою халықаралық қауымдастықтың қауіпсіздік саласындағы басты бағдары болуы керек
Иранның Ұлттық қауіпсіздік жоғары кеңесінің хатшысы: «Лаңкестік топтардың бейкүнә азаматтарға қарсы қылмыстары олардың өздері мен идеологиялық орталықтарына және демеушілеріне тосқауыл қоюдың халықаралық қауымдастықтың қауіпсіздік саласындағы басты бағдары болуы керектігін көрсетеді» деді.
Иран Телерадио ұйымы ақпарат агенттігінің хабарлауынша, Иранның Ұлттық қауіпсіздік жоғары кеңесінің хатшысы Әли Шамхани сәрсенбі күні Ресей Ұлттық қауіпсіздік кеңесінің хатшысы Николай Патрушевке көңіл айтқан жолдауында Санкт-Петербург қаласының метросында болған лаңкестік жарылысты айыптап Теһран мен Мәскеудің лаңкестікпен күрес саласындағы стратегиялық ынтымақтастығын жалғастырып, күшейту қажеттігін қуаттап: «Жеңіліске ұшыраған лаңкестердің әрекеттерінің лаңкестікпен күрестің алдыңғы шебіндегі елдердің мықты талабына әсерін тигізбейтіндігі, керісінше оларға қарсы әрекетті күшейтетіндігі даусыз» деді.
Дүйсенбі күні Санкт-Петербург қаласының метро аялдамасында болған лаңкестік жарылыста 14 адам қаза болып, 50 адам жараланды.
