Иран Қырғызстанға гуманитарлық көмек жіберді

Иран Ислам Республикасының Қызыл Жарты Ай қоғамының 100 шатыр, 400 көрпеден тұратын гуманитарлық көмек тиелген жүгі Қырғызстанның астанасы Бішкек қаласына жетті.

Қырғызстандағы ИИР-ның елшісі Моджтаба Рузбаһани Иранның гуманитарлық көмектерін тапсыру рәсімінде: "Бішкекке гуманитарлық көмек жіберу ИИР-ның әрдайым қиын жағдайларда қырғызстандық бауырларының қасынан табылатынын көрсетеді" деді. Иранның Қырғызстанның оңтүстігі мен апатты, қауіпті аймақтарына арналған гуманитарлық көмектері Қырғызстан азаматтарының тосын жағдайлармен күресуге әзір болу мақсатында жіберіледі.