Бруджерди: Иранның зымырандық бағдарламасы талқыға салынбайды
Иран Ислам Кеңесі Мәжілісінің Ұлттық қауіпсіздік және сыртқы саясат жөніндегі комитетінің басшысы әлемде қауіпсіздіктің басты мәселе екенін айтып: «Әлемнің барлық елдері әртүрлі жолдармен, соның ішінде зымырандық қабілетін арттыру арқылы өзінің қауіпсіздігін нығайтуды көздейді»,-деді.
Алауэддин Бруджерди сенбі күні кешке Иранның «Хабар» арнасына берген сұхбатында Вашингтонның Иранның зымырандық бағдарламасын шектеу үшін жасап жатқан талпыныстарына тоқталып: «Иранның зымырандық сынақтары БҰҰ-ның ешбір қарарына қайшы келмейді»,-деді.
Иран Ислам Кеңесі Мәжілісінің Ұлттық қауіпсіздік және сыртқы саясат жөніндегі комитетінің басшысы зымырандық қабілеттің тежегіш қуатты тудыратынын айтып: «Иранның зымырандық бағдарламасы талқыға салынбайды»,-деп қуаттады.
Бруджерди АҚШ-тың Иран мен Ислам революциясы Сақшылар корпусына қатысты жаңа қатынасына тоқталып: «Вашингтон Иранға қысым жасау арқылы «Ортақ қадам» жан-жақты бағдарламасына өзгеріс енгізуді немесе мүмкін жағдайда оның күшін жоюды мақсат тұтып отыр»,-деді.
