Иран халқы АҚШ-тың санкциялары мен қысымдарына ешқашан мойынсұнбайды
Қасиетті қорғаныс кезеңінің туындыларын сақтау мен құндылықтарын жариялау қорының директоры: "АҚШ-тың қоқан-лоққы жасап, үрей тудырып, санкциялар жариялауы исламдық Иранның күш-қуаты мен дұшпандардың ислам республикасы халқының ерік-жігері мен жүйесінің алдындағы қауқарсыздығын көрсетіп отыр. Біздің халқымыз бұл қысымдарға ешқашан мойынсұнбайды",- деді.
IRNA ақпарат агенттігінің хабарлауынша, бригада генералы Баһман Каргар жексенбі күні кешке Иранның батысындағы Меһран қаласын Ирактың бұрынғы диктаторы Саддам басқарған БААС режимінен азат етудің жылдығына орай өткен рәсімде: "АҚШ пен қолдаушыларының Иранға қарсы қысымдары мен қастандықтарының мақсаты халық пен жауапты тұлғалар мен қарулы күштердің арасына жік салып, асығыс әрі қате шешімдер қабылдауы үшін үкіметті сергелдеңге салу болып табылады",- деді.
Сардар Каргар тынышсыз Таяу Шығыс аймағында исламдық Иранның қауіпсіздік пен тұрақтылық және күш-қуатқа ие екендігін баяндап: "Дұшпанның ДАИШ лаңкестік тобын құрудағы негізгі мақсаты Иранның көзін жою болды. Алайда Ислам республикасының қырағылығы мен ерікті күштерінің жанпидалық мәдениеттен үлгі алуының арқасында қастандықтар бейтараптандырылды",- деді.
