Иранда шетел валютасының контрабандасы және жалған ақша жасаумен айналысатын топтар ұсталды

Иранның қауіпсіздік күштері Теһран, Батыс Әзірбайжан мен басқа да кейбір облыстарда бірнеше кезеңнен тұратын операцияда валюта мен алтын контрабандасымен айналысатын екі топты, сонымен қатар жалған шетелдік валюта (доллар, еуро, лир және Ирактың динары) мен жалған алтын тиындар жасайтын екі топты анықтап, көзін жойды.

ИИР Телерадио бірлестігі ақпарат агенттігінің хабарлауы бойынша, Иранның Барлау министрлігі сәрсенбі күнгі мәлімдемесінде операция барысында валюта, алтын, жалған шетелдік валюта мен жалған тиындар контрабандасымен айналысатын топтардан 15 адамның қамауға алынғанын хабарлады.