Ормұз бұғазының қауіпсіздігін аймақ елдері қамтамасыз етеді

Ислам революциясы Сақшылар корпусының бас қолбасшысы генерал Джафари: «Парсы шығанағындағы Ормұз бұғазының қауіпсіздігін аймақ елдері қамтамасыз етеді. Ислам республикасы қауіпсіздіктің орнатылуында маңызды рөл атқарады»,- деді.

Ислам революциясы Сақшылар корпусының бас қолбасшысы Мұхаммадәли Джафари сәрсенбі күні Абу-Мұса аралында сөйлеген сөзінде: «Трансаймақтық мемлекеттер Иранмен көршілес мемлекеттерді қайшылық тудыруға арандатады. Бірақ, олардың әрекеттері нәтижеге жетпейді. Иранмен көршілес әрі дос халықтар мен үкіметтер бұл елдің нағыз бауыр екенін түсінді»,- деді.

Ислам революциясы Сақшылар корпусының бас қолбасшысы, сондай-ақ, Абу-Мұса аралын исламдық Иранның жүрегі деп атап: «Дұшпандардың Абу-Мұса аралының исламдық Иранның ажырамас бөлігі екенін, ирандық жауынгерлердің бар әлеуеттері, қорғаныс саласындағы дайындығы және хабардарлығымен елінің әр қарыс жерін қорғайтынын білгені жөн»,- деп қуаттады.