Назарбаев Университеті мен Амир Кабир Технологиялық университетінің ынтымақтастығы артады
Қазақстанның Назарбаев Университеті мен Иранның Амир Кабир Технологиялық университетінің басшылары екі жоғары оқу орнының білім және зерттеу салаларындағы ынтымақтастығын арттыратынын қуаттады.
Қазақстанның Назарбаев Университетінен барған делегация Иранның Амир Кабир Технологиялық университетін аралап, екі университеттің басшылары ықпалдастық пен ынтымақтастықты арттыру жолдары жөнінде пікір алмасты.
Амир Кабир Технологиялық университетінің халықаралық және ғылыми ынтымақтастықтар жөніндегі директоры Амир Голру Назарбаев Университетінің делегациясын университеттің жетістіктерімен таныстырды.
Назарбаев Университетінің қабылдау бөлімінің аға менеджері Лаура Палуанова да университеттің зерттеу жобалары аясында халықаралық ынтымақтастықтарды кеңейту және жетекші университеттермен ғылыми өнімдердің сапасын арттыру стратегиясын қуаттап: «Біздің университет Амир Кабир Технологиялық университетінің ұстаздарымен магистратура деңгейінде ортақ жобаларды іске асырғысы келеді»,- деді.
