Сардар Солейманидің мәйіті Иранға жеткізілді

Ислам революциясы Сақшылар корпусының «Құдс» арнайы жасағының қолбасшысы қажы Ғасем Солеймани мен оның шәһид болған серіктерінің мәйіттері жексенбі күні таңертең Иранның оңтүстік-батысындағы Аһваз халықаралық әуежайына жеткізілді.

IRNA ақпарат агенттігінің хабарлауынша, Иранның жүздеген әскери және мемлекеттік тұлғалары мен қарапайым халық Аһваз халықаралық әуежайында АҚШ-тың лаңкестік шабуылынан шәһид болғандардың мәйіттерін қарсы алды.

Қажы Ғасем Солеймани мен оның серіктерімен қоштасу рәсімдері сенбі күні Ирактың Каземейн, Бағдад, Кербала мен Наджаф қалаларында өтті.

Жоспар бойынша қарсыласу қозғалысы шәһидтерімен қоштасу рәсімі бүгін сенбі күні сағат 08:00 Хузистан облысының орталығы Аһваз қаласында өтті.

Жексенбі күні түсте Иранның солтүстік-шығысындағы Машһад қаласында әлем шиіттерінің сегізінші имамы хазірет Резаның (ғ.) нұрлы кесенесінде қарсыласу қозғалысы шәһидтерімен қоштасу рәсімі өтеді деп жоспарланған.

Теһран, Құм, Керман мен басқа қалаларда да қарсыласу қозғалысы шәһидтерімен қоштасу рәсімдері өткізіледі.

Керман – қажы Ғасем Солейманидің туған жері.