Иршади: Сионистік режимнің Алеппо әуежайына шабуылы аймақтың тұрақтылығына үлкен қауіп төндіреді

Иранның БҰҰ-дағы елшісі мен өкілінің орынбасары сионистік режимнің Алеппо халықаралық әуежайына жасаған шабуылын айыптап, оны халықаралық гуманитарлық заңдар мен Біріккен Ұлттар Ұйымының жарғысын бұзу және аймақтың тыныштығы мен тұрақтылығына елеулі қатер деп санады.

IRNA ақпарат агенттігінің хабарлауы бойынша, Заһра Иршади бейсенбі күні Қауіпсіздік кеңесінің отырысында Сириядағы гуманитарлық және саяси жағдай туралы: «Бұл лаңкестік шабуылдардың қазіргі уақытта гуманитарлық дағдарысқа ұшыраған Алеппо халқы үшін ауыр гуманитарлық салдары бар және олардың жағдайын одан сайын нашарлатады. Халықаралық құқық маңызды азаматтық инфрақұрылымды нысанаға алуға тыйым салады. Гуманитарлық негіздерді сақтау өте маңызды. Бірақ Израиль режимі Сирияның өмірлік маңызды инфрақұрылымын қасақана және жүйелі түрде нысанаға алып, Сирияның егемендігі мен аумақтық тұтастығына қарсы агрессиясы мен лаңкестік шабуылдарын жалғастыруда»,- деді.