Теһранда Батыс Азияның алғашқы аймақтық метеорологиялық орталығы іске қосылды
Pars Today: Иран метеорологиялық ұйымының басшысы Сахар Тәжбахш Мұсылман Теһранда Батыс Азиядағы алғашқы аймақтық метеорологиялық орталықтың ашылғанын хабарлады.
Батыс Азиялық климаттық аймақтық орталықтың құрылуымен маусымдық, субмаусымдық және онкүндік мониторинг пен болжамды қоса алғанда, климаттық қызметтердің алуан түрі шығарылады және Батыс Азия елдері үшін тиісті оқыту жүргізіледі.
Pars Today ақпарат агенттігінің хабарлауы бойынша, Сахар Тәжбахш Мұсылман Иран метеорологиялық ұйымының маусымдық болжам жасау жөніндегі бірінші жұмыс тобының отырысында былай деді: «Өткен жылы Дүниежүзілік метеорологиялық ұйымның 2-аймақ (Азия) одағының отырысында Батыс Азияның алғашқы аймақтық климат орталығы ретінде Теһранда Дүниежүзілік метеорологиялық ұйымның аймақтық климат орталығын құруға бастапқы рұқсат берілді».
Ол сөзінің жалғасында: «Қазір Иран метеорологиялық ұйымының Ұлттық климаттық орталығы аймақтық климат қызметтерін көрсету үшін осы орталықтың интернет-порталын құру процесін аяқтауда. Ол дайындалған бойда тиісті ақпарат соңғы бағалау үшін Дүниежүзілік метеорологиялық ұйымға жіберіледі. Осы уақытқа дейін Азиядағы климаттық орталықтар Қытайда, Жапонияда, Оңтүстік Кореяда және Үндістанда ғана құрылған, ал Батыс Азия аймағы бұл мүмкіндіктен пайда көрмеген»,- деп айтты.
