Пезешкиан мен Джалили Ирандағы президенттік сайлаудың екінші турының бірінші дебатында не деді?
Масуд Пезешкиан мен Саид Джалили Иранның 14-ші президенттік сайлауының екінші турының бірінші пікірталастарында саяси және мәдени мәселелерге тоқталып, өз көзқарастары мен пікірлерін білдірді.
Ирандағы президенттік сайлаудың 14-ші кезеңі 28-ші мауысымда өтіп, үміткерлер арасынан Масуд Пезешкиан мен Саид Джалили ең көп дауыс жинап, президенттік сайлаудың екінші кезеңіне өтті.
Дүйсенбі күні кешке Иран Телерадио бірлестігінде Масуд Пезешкиан мен Саид Джалили арасындағы алғашқы сайлау пікірсайысы өтті. Екі сағаттан астам уақытқа созылған пікірталас телеарналар арқылы тікелей көрсетілді.
Pars Today-дің осы мақаласында біз осы пікірталасқа шолу жасаймыз.
Бұл пікірталаста Масуд Пезешкиан былай деді: "Басқаруда үш принцип бар, біріншіден, басқаратын кім, екіншіден, ол қалай жұмыс істеуі керек, үшіншіден, есеп беру принципі. Басқару өнері сол шыңға, сол мақсатқа жету үшін мен бұл жолмен барамын, болмасам басқа жолмен барамын деп әртүрлі баламаларды қарастыруы. Үстелде қанша балама болса, біздің табысқа кепілдік беріледі".
Масуд Пезешкиан: "Мен үшін сыртқы саясат – алда тұрған қауіптер мен дағдарыстарды шыншылдықпен және шынайылықпен мойындау. Сыртқы саясат дегеніміз – өзара іс-қимыл, ынтымақтастық, ұлттық мүдделерді қамтамасыз ету және даңқты Иран өркениеті мен ұлылығынан шабыт алу. Менің сыртқы саясатым халықтың әл-ауқаты, оларды қалуға және құруға ынталандыру, болашақ ұрпақ үшін экономикалық өсу мен даму және психологиялық жайлылық пен тұрақтылық".
Иран президенттік сайлауының 14-ші мерзіміне үміткер Ислам революциясының жетекшісі аятолла Хаменеи мен имам Хомейнидің (р.а.) саясаттарының шығыстық та, батыстық та емес екенін түсіндірді. Ол: "Біз мақсатқа, даналыққа және абыройға негізделген жұмыс жасаймыз. Абыройымыз сақталып, пайдамыз қажет болған жерге барып сөйлесеміз",- деді.
Саид Джалили де осы дебатта: "Осы сайлау күндерінде бүкіл әлем Ирандағы президенттік сайлаудың нәтижесі қандай болатынын күтті. Өйткені бұл алдын ала белгіленген мәселе емес еді. Дауыстарымен шешуші болған адамдар болды. Бұл алдағы жұмада қайталанады",- деді.
Иранның президенттік сайлауының 14-ші мерзіміне үміткер бүгінде бар күш-қуат, ілгерілеушілік және табыстың халықтың қатысуының нәтижесі екеніне тоқталып: «Менің үкіметімнің жоспарларының бірі – халықтың әртүрлі экономикалық, мәдени және саяси салалардағы елді басқаруға қатысуы күннен-күнге байсалды әрі нәтижелі болатыны сөзсіз",- деп айтты.
Саид Джалили өз үкіметінің «Бір әлем - мүмкіндік, Иран бір серпіліс; Әрбір ирандықтың даңқты рөлі бар» ұранына сілтеме жасай отырып: "Әрбір ирандық өзінің талантына қарай рөл ойнай алатынын сезінуі керек және үкімет бұл рөлдік ойынды жасауы керек",- деді.
