Иран 20 жаңа спутник жасап жатыр
ParsToday - Иран Ислам Республикасының ғарыш ұйымының басшысы: «Иранның 20 жер серігі жасалып жатыр»,- деп хабарлады.
ParsToday ақпарат агенттігінің Иранның хабар тарату агенттігіне сілтеме жасап хабарлауынша, Иран ғарыш ұйымының басшысы Хасан Саларие сәрсенбі күні Теһранда өткен Innotex 2025 көрмесі аясында білімге негізделген компаниялардың елдің басты ғарыштық мақсаттарына жетудегі маңызды рөліне тоқталып: «Қазіргі уақытта мемлекеттік және жеке компаниялар консорциумында 20-ға жуық жерсеріктің құрылысы мен дамуы жүргізілуде»,- деді.
Отандық өндірілген спутниктік суреттерді сатып алуға кепілдік беріледі
Саларие сонымен қатар отандық жерсеріктермен жасалған спутниктік суреттерді кепілдендірілген сатып алу саясатын жариялап: «Бұл жоспар жеке компаниялардың белсенді қатысуымен жүзеге асырылды және ғарышқа негізделген экономиканы қолдаумен бірге, елдің қашықтықтан зондтау саласындағы техникалық мүмкіндіктерін арттыруға көмектеседі» деді.
Ғарыш саласында білімге негізделген компаниялардың болуын жеделдету
Иранның ғарыш ұйымының басшысы соңғы жылдары жеке сектордың елдің ғарыш өнеркәсібіне кіру үрдісінің артуына тоқталып: «Соңғы үш жылда ғылымға негізделген компаниялардың ғарыш жобаларына қатысуы жеделдеді»,-деді.
