Иранның LIMA 2025 халықаралық көрмесіне қатысуы; Малайзия қорғаныс министрі Иран павильонын аралады
ParsToday – ИИР Қорғаныс министрлігі Малайзияның халықаралық қорғаныс көрмелеріне екінші жыл қатарынан қатысты.
20 мамыр, сейсенбі күні Малайзияның Лангкави аралында LIMA 2025 деп аталатын 17-ші халықаралық теңіз және аэроғарыштық Малайзия көрмесі ашылды және сенбі, 24 мамырға дейін жалғасады. ParsToday мәліметінше, көрмеге 350 000-нан астам адам, оның ішінде 140 елден ресми делегация келеді деп күтілуде.
Иранның әуе және теңіз техникасы, соның ішінде әртүрлі зымыран, зымыранға қарсы, қорғаныс, радар, теңіз жүйелері, әскери кемелер, сүңгуір қайықтар, ақылды және басқарылатын бомбаларын көрмеге келушілер жақсы қабылдады.
Малайзия үкіметі мен әскери қайраткерлері, соның ішінде Қорғаныс министрі Халид Нурдин, Ауыл шаруашылығы министрі Мұхаммад Себу (бұрынғы қорғаныс министрі) және қорғаныс министрінің орынбасары Адли Захари көрмедегі Иран павильонын аралады.
Сондай-ақ көрме аясында Иранның Малайзиядағы елшісі Валиолла Мұхаммади Насрабади Малайзия Қорғаныс министрінің орынбасарымен кездесіп, екіжақты қорғаныс саласындағы ынтымақтастықты дамыту жолдарын талқылады.
Бұл кездесуде Малайзия Қорғаныс министрінің орынбасары Адли Захари екі ел арасындағы жақсы қарым-қатынастарға сілтеме жасап, ИИР-ның осы көрмеге қатысуына ризашылығын білдіріп, Иранның мүмкіндіктерін тануды маңызды деп санады.
Ол Иранның қорғаныс саласындағы жетістіктерін маңызды деп атады.
ИИР Қорғаныс министрлігі өткен жылы Малайзияның DSA 2024 халықаралық қорғаныс жабдықтары көрмесіне қатысты.
