Мысырлық журналистер мен саяси белсенділер Каирде сионистік режимнің жалауын өртеді

Мысырдың бір топ журналистері мен саяси белсенділері Мысыр Сыртқы істер министрі Самеһ Шокридің жаулап алынған жерлерге жасаған сапарына наразылық ретінде сионистік режимнің жалауын өртеді.

«Меһр» ақпарат агенттігінің Аlmasryoon торабына сілтеме жасап хабарлауынша, Мысырдың бір топ журналистері мен саяси белсенділері сәрсенбі күні осы елдің Сыртқы істер министрі Самеһ Шокридің жаулап алынған жерлерге сапар шегуі мен сионистік режимнің үкімет басшысы Беньямин Нетеньяхумен кездесуіне наразылық ретінде журналистер одағының алдында осы режимнің жалауын өртеді.

Мысырдың қауіпсіздік күштері мен полициясы Каирдегі журналистер одағының айналасында қатаң қауіпсіздік шараларын қолданып, наразылардың осы одақтың кеңсесіне кіруіне бөгет жасады.