Иран Сауд Арабиясына қатысты ұстамды саясат ұстанды
Қыр 15, 2016 03:34 Asia/Almaty
Ислам революциясы жетекшісінің көмекшісі əрі аға кеңесшісі ИИР-ның Сауд Арабиясының шараларына қатысты саясатының ұстамды болғанын мәлімдеді.
Ислам революциясы жетекшісінің көмекшісі əрі аға кеңесшісі сардар Яхия Сефеви Иран мен Сауд Арабиясы арасындағы қарым-қатынастың шарықтаулар мен құлдырауларының себептерін баяндағанда: "Иранның ислам əлемі елдерімен байланысы ортақ сенімдер мен қызығушылықтары негізінде қалыптасқан. ИИР ислам елдерімен интеграциялану үшін əсерлі де тиімді қатынас орнатуды көздейді. Сауд Арабиясы Парсы шығанағы аймағында Иранды өзінің стратегиялық бəсекелесі санап, АҚШ пен сионистердің басқаруымен ИИР-мен қатынаста текетірес тудыруға тырысып жатқаны анық",-деді.