Ирактың халықтық күштері Мосулдың батысында жаңа амалдар бастады
Ирактың ақпарат көздері осы елдегі халықтық күштердің Мосулда ДАИШ лаңкестік тобына қарсы жаңа амалдарды бастағанын хабарлады.
Ирактың «әл-Еттеджах» телеарнасының сенбі күнгі хабарлауынша, Ирактың халықтық күштері мен ДАИШ-пен қарсыласу топтарының амалдары Нейнава облысының орталығы Мосул қаласының оңтүстік-батыс бағытында басталды.
Ирактағы Хезболла батальондарының майдандағы қолбасшыларының бірі: «Халықтық күштердің Мосул қаласының оңтүстік-батыс бағытындағы амалдарының мақсаты – ДАИШ тәкфирлік тобы мүшелерінің Сирияға қашуына жол бермеу»,-деп хабарлады.
Мұнымен қоса, Ирактың Нейнава амалдарын басқару штабының мүшесі Фейсал Басин Ирактың халықтық күштерінің қатысумен жүзеге асқан әскери амалдарда Мосул қаласының батысындағы тағы үш ауылдың ДАИШ-тың қолынан азат етілгенін хабарлады.
Ирактың Лаңкестікпен күрес кеңсесінің басшысы Абдулғани Асади да Мосулды азат ету амалдарының тоқтатылғанын теріске шығарып, бұл ақпараттың шындыққа жанаспайтынын айтты.
