Йеменнің зымырандары Сауд Арабиясының астанасының батысына жетті
Жексенбі күні кешке Йемен әскерінің баллистикалық зымыраны Сауд Арабиясының астанасы эр-Риядтың батысында орналасқан әл-Музахамия аймағындағы әскери базаны нысанаға алды.
Al-Alam ақпарат агенттігінің хабарлауы бойынша, Сауд Арабиясының азаматтары Твиттерде аталмыш әскери базада үлкен жарылыс болғанын хабарлаған.
Йеменнің зымырандық бөлімшесі мен халықтық комитеті Сауд режимінің Йемендегі зорлық-зомбылық пен қылмыстарының қайталануына реакция білдіріп, зымыран атқандарын мәлімдеп: «Келесі соққылар бұдан да ауыр болмақ»,- деп қуаттады.
Сонымен қатар, Йеменнің зымырандық бөлімшесі мен халықтық комитеті аталмыш мәлімдемесінде Йеменнің мазлұм халқын қорғауды осы ел әскерінің заңды құқығы деп атап: «Сауд әулеті режимінің Йемендегі қылмыстары осы режимнің батыс елдері мен араб одақтастарының қатысуымен жүзеге асырылып жатыр»,- деді.
Аlmasirah телеарнасы жексенбі күні Йемен әскери күштерінің Сауд Арабиясының оңтүстігіндегі Джезан облысында орналасқан Қейс және әл-Тәләа атты әскери базаларына жасаған шабуылдары барысында 4 саудиялық әскеридің қаза болғанын хабарлады.
Мұнымен қатар йемендік күштердің Сауд Арабиясының оңтүстігіндегі Неджран облысында орналасқан әл-Махрұқ әскери базасына жасаған шабуылынан Сауд әулеті режимінің 3 әскериі өлді.
Сондай-ақ, йемендік әскери күштердің Таиз облысындағы әл-Джәһмила және Салеһ аймақтарына жасаған шабуылдары салдарынан 3 саудиялық жалдамалы өлді.