Масуд Барзани отставкаға кеткеннен кейін өзінің кінәсін басқаға таңуда
Қаз 30, 2017 14:10 Asia/Almaty
Масуд Барзани 2017 жылдың қараша айының бірі күні Ирактың Күрдістан аймағының президенті қызметінен отставкаға кететіні туралы ресми түрде мәлімдегеннен кейін: "Бағдад үкіметі Ирактың Күрдістан аймағына шабуыл жасау үшін референдумды сылтауратты",- деген уәж айтты.
Масуд Барзани жексенбі күні кешке телеарна арқылы айтқан сөзінде: "Ирактың Күрдістан аймағында референдум өткізудегі мақсат Эрбильдің Бағдадпен арадағы қиындықтарын бейбіт түрде шешу болды»,- деді.
Ирактың Күрдістан Демократиялық партиясының төрағасы қазіргі жағдайдың уақытша екенін және оның ұзаққа созылмайтынын ескертіп: "Бұрынғы Конституцияны қайтаруға талпыныс жасадық, бірақ бәрі нәтижесіз болды",- деді.
Барзани бөліну туралы референдумның ешқашан ұмытылмайтын баса айтып: "Ирактың Күрдістан аймағын өз алдына бөлінуге шақырудың өзіндік төлемі бар, алайда біз үлкен сатқындыққа ұшырадық",- деді.
Ирактың Күрдістан аймағының басшысы сондай-ақ АҚШ-ты ирактық күштерге Киркуктегі әскери амалдарда қолдау көрсетті деп айыптап: ""Хашд аш-Шааби" күштері де Күрдістан аймақтарында демографиялық өзгерістер жасау шеңберінде әрекеттер жасады",- деді.
Ирактың Күрдістан аймағының жергілікті Парламенті жексенбі күні кешке Ирактың Күрдістан аймағы басшысының міндеттерін жергіліікті Үкімет, Парламент және Сот билігі арасында бөлуге келісім берді.