Джахангири: Иран өз зымырандарының ұшу ұзақтығын белгілеуде ешкімнен рұқсат сұрамайды
ИИР Вице-президенті Иранның өз халқын қорғау үшін зымыран жасауға кіріскенін және өз зымырандарының ұшу ұзақтығын белгілеуде ешкімнен рұқсат сұрамайтынын айтты.
ИИР Вице-президенті Исхақ Джахангири бейсенбі күні Жапонияның «Киодо» ақпарат агенттігіне берген сұхбатында Иран зымырандарының қорғаныс және тежегіш сипатта екенін, Иранның кез келген қоқан-лоққыға төтеп беріп, өзінің қорғаныс қажеттілігіне сәйкес зымыран жасайтынын қуаттады.
ИИР Вице-президенті әлем елдерінің АҚШ-тың саясаттары алдында табандылық танытуының маңыздылығын баса айтып, барлық елдердің, соның ішінде Жапония үкіметінің АҚШ-тың біржақтылығына тосқауыл қойып, әлемде өздерінің тәуелсіздігін сақтап қалу үшін барлық күш-қуаттарын пайдаланатындығына үміт білдірді.
Джахангири АҚШ-тың Иран мұнайы сатылымын нөлге жеткізе алмағанын, тіпті басты экономикалық серіктестер Ираннан мұнай сатып алуды азайтқан күннің өзінде Теһранның мұнай сатудың жаңа жолдарына ие екенін айтты.