Ресей Сыртқы істер министрі Сирияға жұмыс сапарымен барды

Ресей Сыртқы істер министрі дүйсенбі күні Дамаск қаласына барып, Сирия Президенті Башар Асадпен кездесті.

Сирия Президенті Башар Асад Сергей Лавров бастаған ресейлік делегациямен кездесуінде: «Сирия үшін Ресей инвестициясының сәтті болуы аса маңызды»,-деді. Лавров осы сапарда Сирияның басқа да жауапты тұлғаларымен кездесіп, лаңкестікпен күресу, Конституциялық комитет жұмысының нәтижелері және Ефрат өзенінің шығыс аудандарындағы жағдай туралы сұхбаттасып, кеңесті. Бұл – Лавровтың Сирияға тоғыз жылдан бергі алғашқы сапары.