Башар Асад Амирабдуллахианмен кездесуінде: Сионистік режимнің Газадағы қылмыстарының алдын алу керек

Сирия Президенті ИИР Сыртқы істер министрімен кездесуінде: «Сионистік режимнің Газа халқына қарсы айуандық қылмысының жалғасуының алдын алуға тырысуымыз керек",- деді.

Жас журналистер клубының хабарлауынша, Амирабдуллахиан  Дамаскіде Сирия Президентімен кездесуінде Газадағы адамдарды, балаларды, әйелдерді және қарттарды аяусыз өлтіруді және бұл аймақты қоршау мен су, электр және отынды жіберуді тоқтатуды, Газадағы үйлерді, қоғамдық және медициналық мекемелерді бомбалауды соғыс қылмысы деп атап, былай деді: "Батыстықтар сионистік режимнен басқа барлық тараптарды ұстамдылыққа шақырады". Амирабдуллахиан Батыстың сионистердің қылмыстарын ақтау және заңдастыру үшін Газадағы фактілерді бұрмалауға тырысатынына назар аударып: «Қарсыласудың сионистік режимге қарсы тұру қабілеті бар. Америка басқалардан ұстамдылықты талап етіп, сионистік режимге Палестина азаматтарына қарсы қолданылатын қару-жарақпен қолдау көрсете алмайды",- деп баса айтты.

Бұл кездесуде Сирия Президенті де батыстықтардың сионистік режимді жақтауының себебін Израильдің тығыз саяси, экономикалық және әлеуметтік дағдарыстары және олардың осы режимнің күйреу қаупіне алаңдаулары деп атады. Ол Иранның ислам елдері сыртқы істер министрлерінің кезектен тыс отырысын өткізу жөніндегі саяси бастамасын қолдады.