Израиль шенеунігі: Біз соғыс мақсатының ешқайсысына қол жеткізе алмадық
Нетаньяху соғыс кабинетінің бұрынғы мүшесі Гади Эйзенкот сионистік режимнің қазір кері шегінуін мойындады.
Сионистік режим Кнессетінің мүшесі және осы режим армиясы бас штабының бұрынғы басшысы Гади Эйзенкот баспасөз мәслихатында Израильдің Газада жарияланған соғыс мақсаттарының ешқайсысына қол жеткізбегенін мойындады.
Pars Today ақпарат агенттігінің хабарлауынша, Эйзенкот осы баспасөз мәслихатында сионистік режимнің премьер-министрі Бенямин Нетаньяху әрекетін қатаң сынға алды.
Бұл сионистік қайраткер Израильдің Газадағы жеңілісін мойындап: "Нетаньяху саяси және партиялық себептерге байланысты ұсынылған тұтқын алмасу келісімін орындамауға шешім қабылдады" деді.
«Ресми лагерь» партиясының басшысы әрі сионистік режимнің бұрынғы соғыс министрі Бенни Ганц Израиль режимінің Газадағы соғысында ауыр құн төлегенін мойындап, Нетаньяхудан мүмкіндігінше тезірек отставкаға кетуін сұрады.
Ганц осыған байланысты былай деді: "Нетаньяху өзінің саяси жағдайымен айналысады және Израильдің оңтүстігіндегі тұрғындарды үйлеріне қайтаруды ойламайды. Ол тұтқындарды айырбастау келісімдерін, оның ішінде бірінші келісімді мақсатты түрде бұғаттады. Нетаньяху кепілге алынғандарды ешқашан тірі қайтармайды және өзінің саяси аман қалуына алаңдайды".
Нетаньяху қарсыластарының пікірінше, ол әлі де Газадағы соғыста атысты тоқтату келісіміне қол жеткізу және сионистік тұтқындарды алмасу жолындағы басты кедергі болып табылады.
Соңғы күндері басып алынған жерлердің әртүрлі қалалары сионистердің Нетаньяху саясатына наразылық білдірген шерулеріне куә болды.
2023 жылдың 7 қазанынан бастап Батыс елдерінің толық қолдауымен Израиль режимі Газа секторы мен Иордан өзенінің Батыс жағалауында қорғансыз және қысым көрген Палестина халқына қарсы жаңа жаппай қырғын бастады, бірақ әлі күнге дейін шабуыл алдында жариялаған мақсаттарына қол жеткізген жоқ
Соңғы мәліметтерге қарағанда, сионистік режимнің Газаға жасаған шабуылдарынан 40 мыңнан астам палестиналық қаза тауып, 94 мыңнан астамы жараланған.
