Дауыл Американың оңтүстігінде 9 адамның өмірін қиды

Американың кейбір оңтүстік штаттарында тұрған дауыл 9 адамның қазасы мен ондаған адамның жаралануына себеп болды.

Дауыл Американың оңтүстігінде орналасқан Техас штатының шығысындағы Кантон қаласын шарпыды. Соның салдарынан төрт адам қазаға ұшырап, 49 адам жараланды. Табиғат апаты сондай-ақ Миссури, Арканзас және Миссисипи штаттарында 5 адамның өмірін қиып, үйлердің ойран болуы мен  электр желілерінің үзілуі мен ағаштардың сынуына себеп болды.