ЮНЕСКО: Израильдің Бейт әл-Мұқаддасқа еш иелігі жоқ
БҰҰ-ның ЮНЕСКО ұйымы Израильдің Бейт әл-Мұқаддасқа еш иелігі жоқ екенін мәлімдеді.
Иран Телерадио бірлестігі ақпарат агенттігінің мәліметі бойынша, ЮНЕСКО сейсенбі күнгі қарарында «Израильдің Бейт әл-Мұқаддасқа еш иелігі жоқ» деп қуаттап, басып алынған Құдстағы бұл режимнің қазба жұмыстарын айыптады.
Израиль қасиетті Құдс қаласын 1967 жылдан бері жаулап алған.
ЮНЕСКО мамыр айының 2 күні қарар бекітіп, сионистік режимді Бейт әл-Мұқаддас пен Газа секторындағы халықаралық заңдарды бұзумен айыптап, Израильді «басқыншы күш» деп атады.
ЮНЕСКО сонымен бірге өткен жылы еврейлердің Бейт әл-Мұқаддастағы қасиетті мекендерге қатыстылығына күмән тудыратын қарар бекітіп, Израильдің ашу-ызасына себеп болды. Израиль ЮНЕСКО-ның өткен жылғы қарарына реакция білдіріп, БҰҰ осы органымен ынтымақтастықтарын тоқтатқан болатын.
