Ресей Түркия Президентінің Сирия туралы сөзіне реакция білдірді

Ресей СІМ Түркия Президентінің Сирия Президенті Башар Асад туралы ұстанымын негізсіз деп атады.

Ресей СІМ-нің ақпарат хатшысы Мария Захарова Түркия Президенті Режеп Тайып Ердоғанның Башар Асадқа қарсы сөзіне реакциясында: "Ердоғанның Сирия Президентін "лаңкес" деп атаған сөзінің ешбір заңдық негізі жоқ.

Мәскеу Сириядағы лаңкестердің қолында жаңа қару-жарақтың пайда болғанына алаңдап отыр",-деп мәлімдеді. Ресей СІМ ақпарат хатшысының айтуынша, кейбір елдер Сириядағы лаңкестерді әлі қолдап отыр.

Режеп Тайып Ердоған Африка елдеріне сапары барысында Сирияға қарсы ұстанымдарын жалғастырып, Башар Асадты лаңкес деп атады.