Лондондағы Ресей елшілігі Солсбериді дезинфекциялауды күмәнді деп атады

Лондондағы Ресей елшілігі Солсбери қаласын дезинфекциялаудың мақсатын Сергей Скрипальді уландыруға қатысты айғақ-дәлелдерді жою деп атады.

«Спутник» хабар агенттігінің мәліметі бойынша, Лондондағы Ресей елшісі Александр Яковенко Лондонды айғақ, деректерінде үйлесімділіктің жоқтығымен айыптап, Англияның Солсбери қаласын дезинфекциялауды Сергей Скрипаль мен қызын уландыру ісіндегі айғақтар мен дәлелдерді жою үшін жасалатын әрекет болуы мүмкін деп сараптап: «Егер Солсберидің көп жері ластанған болса, егер Скрипальды уландыру үшін қолданылған у буланып ұшып кетпейтін болса,  неліктен тек үш-ақ адамның, яғни Сергей Скрипаль мен қызы және полиция қызметкері Ник Бейли ғана уланғаны түсініксіз» деді.