Беларусьте ирандық студенттердің оқу бітіру рәсімі өтті

Беларусь Медициналық университетінің дәрігерлік және стоматология факультеттерін аяқтаған 50-ге жуық ирандық студент ант беріп, оқу бітіру рәсіміне қатысты.

Иранның Ғылым және зерттеу министрлігі мен Беларусьтегі Иран елшілігінің өкілдері, сондай-ақ Беларусь Медициналық университетінің ректоры мен проректорлары қатысқан шарада ирандық студенттер марапатталды.

Иранның Ғылым және зерттеу министрлігінің аймақтық өкілі бұл жоғары оқу орында білім алған ирандық студенттерді құттықтап: "Ирандық студенттер дәрігерлік және стоматология факультеттерін табыспен аяқтады. Бұл олардың талпыныстары мен жігерін, сонымен қатар екі елдің ғылыми-мәдени жақсы қарым-қатынасын көрсетеді",- деді.