Канада мұсылмандары Сауд Арабиясына наразылық білдірді

Канада мұсылмандары Сауд Арабиясы режимінің бірнеше елдің мұсылмандарына қажылық парызын орындауға тыйым салу әрекетін айыптап, наразылық шеруін ұйымдастырды.

Mirat al-Jazeera ақпарат агенттігінің хабарлауынша, канадалық мұсылмандар үстеріне қажылыққа арналған арнайы киімдерді киіп, Оттава қаласындағы үлкен алаңда Қағбаның кішігірім макетін құру арқылы наразылық шеруін ұйымдастырды.

Сауд әулеті режимінің басшылары Сирия, Йемен, Катар, Канада елдерінің мұсылмандары мен Мысырдың бұрынғы президенті Мұхаммад Морсиге бағынышты адамдарға қажылық рәсімін орындауға тыйым салды.