Иран Оңтүстік Кореяда өткен жаңалықтар фестивалінде 10 алтын жүлде алды
Иранның оқушылар командасы 2018 жылы Оңтүстік Кореяда өткен ғылым және жаңалықтар көрмесінде 10 алтын медаль мен осы сайыстың арнайы халықаралық жүлдесін алды.
IRNA ақпарат агенттігінің хабарлауы бойынша, Оңтүстік Кореяда өткен 2018 жылғы Азияның ғылым және жаңалықтар көрмесінде Иранның оқушылар командасынан екі оқушы техникалық-инженерлік сала бойынша, бір оқушы жаңа қуат көздері тақырыбында, екі оқушы бірлесіп химия саласында, бір оқушы биоэлектроника саласында және бір адам сәулет өнері мен абадтандыру саласында алтын жүлде алды.
Сонымен қатар Иранның оқушылар командасынан екі адам бірлесіп нейрология ғылымы саласынан, бір адам астрономиядан және екі адам нано саласы бойынша алтын медаль алды. Тағы бір оқушы нанохимия саласында алтын медаль алуымен қоса, осы сайыста арнайы халықаралық жүлдеге ие болды.
ИИР-ның Оңтүстік Кореядағы елшісі Саид Бадамчи Шабестари оқушылармен кездесуінде оларды жетістіктерімен құттықтап, сыйлықтар табыс етті.
16-24 қазан аралығында Оңтүстік Кореяның Дайджеон қаласында Азия-2018 ғылым және жаңалықтар көрмесі аясында өткен сайысқа 34 елдің 14-23 жас аралығындағы жасөспірімдер командалары қатысты.
