Зариф Трамптың Хашоғджидің өлімі туралы мәлімдемесін ұят деп атады
ИИР Сыртқы істер министрі сейсенбі күні АҚШ Президенті Дональд Трамптың саудиялық сыншы журналист Джамал Хашоғджидің өлімі туралы мәлімдемесін ұят деп атады.
ИРНА ақпарат агенттігінің мәліметі бойынша Мұхаммад Джавад Зариф Твиттерде: "Трамп саудиялықтардың қылмыстарына қатысты ұят мәлімдемесінің бірінші бөлімінде Иранды ойына келген әртүрлі қылмыстармен айыптады. Калифорниядағы өртке де Иран кінәлі болар, өйткені орманды тырнауышпен тазалауға көмектеспеді",- деп жазды.
Ормандарды дұрыс бақылап, қорғамауды Калифорниядағы өрттің негізгі факторы санайтын Трамп жуырда Финляндия Президенті Саули Ниинистенің оған финдердің көп уақыттарын елдің ормандарын тырнауышпен тазалауға бөлетінін айтқанын есіне алды.
Финляндия Президенті Трамптың бұл сөзін теріске шығарып, еш уақытта АҚШ Президентімен бұл мәселе туралы сөйлеспегенін айтты.
