Иранның каратэ командасы Францияда өткен премьер-лигада үшінші орын алды
Қаң 27, 2020 15:36 Asia/Almaty
Иранның каратэ командасы "Karate One-2020" премьер-лигасының бірінші кезеңінде үшінші орынға ие болды.
"Karate One-2020" премьер-лигасы жұма күні, 24 қаңтарда 92 елден келген 703 каратистің қатысуымен Францияның астанасы Париж қаласында басталып, жексенбі күні аяқталды.
IRNA ақпарат агенттігінің хабарлауынша, Karate One-2020 премьер-лигасының алғашқы кезеңінің соңында Иран командасы 2 алтын, 1 қола алып, Түркия мен Испания командаларынан кейін үшінші орынға ие болды.
Бұл жарыста Иранның каратистері Хамида Аббасәли (68 кг) мен Бахман Асгяри (75 кг) алтын алса, Салех Абазари (84 кг) қола жүлдеге ие болды.