Ауғанстанның шығысында 8 америкалық сарбаз қаза тапты
Ақп 09, 2020 13:30 Asia/Almaty
Жергілікті ақпарат көздері кеше кешке Ауғанстанның шығысында болған қақтығыста 8 америкалық сарбаздың қаза тапқанын хабарлады.
ИИР Телерадио бірлестігі ақпарат агенттігінің хабарлауынша, Нангархар уәлаятындағы Ширзад ауданының жергілікті ақпарат көздері ауған мергеннің тікелей оқ жаудыруы салдарынан АҚШ күштерінің 8 сарбазы өлтірілгенін хабарлады.
Ауғанстандағы АҚШ күштерінің қолбасшысы бірнеше сағат бұрын осы елдің шығысындағы америкалық күштерге жасалған шабуылда бірқатар сарбаздың қаза тапқанын растады.
АҚШ-тың NBC News телеарнасы да өз ақпарат сайтында америкалық әскери қайраткерлерге сілтеме жасап, Ауғанстанның шығысында америкалық сарбаздардың қаза тапқанын растады, бірақ олардың санын жарияламады.